ទស្សនាវដ្ដីវិទ្យាសាស្រ្តកុំព្យូទ័រ

កម្មវិធីកម្ចាត់មេរោគ Panda ចូលរួមឧបត្ថម្ភសន្និសីទព័ត៌មានវិទ្យា

pharak — Thu, 23 Feb 2012 04:10:52 +0000

កាលពីថ្ងៃពី១៩ ខែកុម្ភៈឆ្នាំ២០១២ នេះកម្មវិធីកម្ចាត់មេរោគ Pandaបានចូលរួមឧបត្ថម្ភការដំឡើងកម្មវិធីកម្ចាត់មេរោគ Panda ដោយឥតគិតថ្លៃចំនួន 50 licensesសម្រាប់អ្នកចូលរួមសន្និសីទ ព័ត៌មានវិទ្យាក្រោមប្រធានបទ “ព្រឹត្តិការណ៍បើកទូលាយ” ដែលរៀបចំឡើងដោយក្រុមចែកគ្នានិយាយ IT ហើយប្រារព្ធនៅសាកលវិទ្យាល័យ ហ្សាម៉ាន់ ។ ការឧបត្ថម្ភការដំឡើងកម្មវិធី Panda នេះមានការចាប់អារម្មណ៍ជាខ្លាំងពីសំណាក់អ្នកចូលរួម ហើយមានអ្នកចូលរួមជាច្រើនបានយកកុំព្យូទ័រមកដំឡើងយ៉ាងកុះករ។ លោកជីសុផាតដែលជាមន្ត្រីផ្នែកទីផ្សាររបស់ក្រុមហ៊ុន PerfexTech បាននិយាយថានេះជាឱកាសដ៏ល្អបំផុតសម្រាប់សិក្ខាកាមទាំងអស់ដែលបានចូលរួមសន្និសីទនេះ ហើយកម្មវិធីកម្ចាត់មេរោគ Pandaដែលជាកម្មវិធីកម្ចាត់មេរោគលេខ ១ នាំចូលពីអេស្ប៉ាញ ដែលមានសមត្ថភាពខ្ពស់ក្នុងការទប់ស្កាត់មេរោគផ្សេងៗពេញចិត្តនៅក្នុងការចែករំលែកបទពិសោធន៍របស់ខ្លួនដើម្បីការពារកុំព្យូទ័ររបស់អ្នកប្រើប្រាស់ពីការរំខានក្នុងអ៊ីនធឺណិតការពារការរំខានពីមេរោគជាច្រើនដូចជាមេរោគប្រភេទ Worm, Trojan ជាដើមហើយវាជួយការពារកុំព្យូទ័ររបស់អ្នកប្រើប្រាស់ពី Hacker ផងដែរ។ អ្នកចូលរួមម្នាក់ឈ្មោះ យ៉ាង ពិសីដែលកំពុងដំឡើងកម្មវិធីកម្ចាត់មេរោគ Panda នេះបានបង្ហាញចំណាប់អារម្មណ៍ថា” វាពិតជាពិសេសណាស់ដែលខាងក្រុមការងារកម្ចាត់មេរោគPandaមកដំឡើងកម្មវិធីនេះជូនអ្នកចូលរួមព្រឹត្តិការណ៍បើកទូលាយ ហើយគេនឹងប្រាប់មិត្តភ័ក្ដិគេបន្តអំពីអានុភាពដ៏អស្ចារ្យរបស់កម្មវិធីកម្ចាត់មេរោគ Panda នេះនៅពេលដំឡើងចូលក្នុងកុំព្យូទ័រគឺវាអាចធ្វើឱ្យកុំព្យូទ័ររបស់យើងដំណើរការលឿនជាងមុន “។ ក្រោយពេលដំឡើងកម្មវិធីកម្ចាត់មេរោគរួចក្រុមការងារ Panda បានធ្វើការលក់បញ្ចុះតម្លៃពិសេសសម្រាប់កម្មវិធីកម្ចាត់មេរោគ Panda Internet Security 2012 ហើយអ្នកចូលរួមទាំងអស់បានកោតសរសើរអំពីអានុភាពរបស់វាមិនដាច់ពីមាត់៕

SAMSUNG Galaxy S Blaze 4G នឹងចេញលក់នៅចុងខែមិនាខាងមុខនេះ

pharak — Thu, 23 Feb 2012 03:53:48 +0000

តាមការបង្ហាញពីទូរស័ព្ទសេរីថ្មីចុងក្រោយរបស់ Samsung ដែលត្រូវបានបញ្ចូលក្នុងបញ្ជីនៃ Galaxy-brand យើងឃើញមាន Smartphone មួយប្រភេទគួរឱ្យចាប់អារម្មណ៍គឺ SAMSUNG Galax S Blaze 4G។ Smartphone សេរីនេះមិនមែនគ្រាន់តែមានលក្ខណៈភ្លឺរលោង និងឈ្មោះដែលគួរឱ្យចាប់អារម្មណ៍ប៉ុណ្ណោះទេ ទូរស័ព្ទប្រភេទនេះមានលក្ខណៈពិសេសផ្សេងទៀតដូចជាៈ

បានបំពាក់ដោយ CPU កម្រិត Dual Core 1.5GHz Qualcomm
អេក្រង់ Tochscreen ទំហំ 3.97 inch ប្រភេទSuper AMOLED
កាមេរ៉ាខាងក្រោយ 5mega pixel ដែលអាចឱ្យយើងថតយករូបភាពកំរិត HD 720p បានយ៉ាងច្បាស់ល្អ និងកាមេរ៉ាខាងមុខ 1.3mega pixel សម្រាប់ប្រើប្រាស់ក្នុង Video chat
ជាពិសេសទូរស័ព្ទនេះបានបំពាក់ប្រព័ន្ធ 4G ដែលអាចចាប់បាន HSPA +43 បានថែមទៀត

ក្រុមហ៊ុន Samsung ក៏បានបង្ហាញពីគុណប្រយោជន៍នៃSamsung Galaxy S Blaze 4G ដែរថា វាត្រូវបាន បង្កើតឡើងជាមួយលក្ខណៈពិសេសច្រើនសំបូរបែប និងជួយដល់អតិថិជនប្រើប្រាស់ក្នុងការ ទំនាក់ទំនង និងការកំសាន្ត គ្រប់ទីកន្លែង។ តាមប្រសាសរបស់លោក Abdrew Sherrard មុខងារជា T-Mobile SVP marketing បានឱ្យដឹងថាៈ បើប្រៀបធៀបជាមួយទូរស័ព្ទ ដែលបានបំពាក់ប្រព័ន្ធ4G ដ៏ទៃទៀត, Samsung Galaxy S Blaze 4G គឺបានផ្តល់ផលប្រយោជន៍ដល់អតិថិជនបានច្រើនជាង ហើយតម្លៃរបស់វាក៏សមរម្យជាងផងដែរ។ តាមប្រភពព័ត៌មានខាងលើនេះ ក្រុមហ៊ុន Samsung និងដាក់លក់ Samsung Galaxy S Blaze 4G លើ Online នៅចុងខែមិនា ខាងមុខនេះ៕

របៀប Block ឬ Unblock Contact នៅក្នុង Skype

samnang — Thu, 23 Feb 2012 03:07:24 +0000

កម្មវិធី Skype ជាកម្មវិធីសម្រាប់ Chat ដ៏ពេញនិយម ហើយវាអាចឱ្យអ្នកស្វែងរក Contact ជាច្រើនដែលជាមិត្តភក្ដិរបស់អ្នក។ នៅក្នុងSkype អាចឱ្យអ្នក Block នូវ Contact ទាំងឡាយណាដែលអ្នកមិនចង់ធ្វើការទំនាក់ទំនងបន្តទៀត តែអ្នកក៏អាច Unblock Contact នោះវិញផងដែរក្នុងករណីចាំបាច់ណាមួយដែលអ្នកត្រូវធ្វើការទំនាក់ទំនងឡើងវិញ។ នៅពេលដែលអ្នកបាន Block នរណាម្នាក់ហើយ នោះ Contact មួយនោះមិនអាចមើលឃើញ ឬទាក់ទងជាមួយអ្នកបានទេ។ ដូចនេះនៅក្នុងអត្ថបទមួយនេះអ្នកអាចសាកល្បង Block ឬ Unblock នូវ Contact ណាមួយដែលអ្នកមិនពេញចិត្តបាន សូមធ្វើតាមជំហានខាងក្រោមនេះ៖

របៀបទី១៖

Block
១.ដំបូងអ្នកត្រូវដំណើរការកម្មវិធី Skype ជាមុនសិនរួច Login ចូល Account របស់អ្នក
២. បន្ទាប់មកសូមរកមើល Contact ណាដែលអ្នកចង់ Block នៅក្នុង Contact List រួចចុច mouse ស្ដាំលើ Contact នោះហើយជ្រើសរើសយកពាក្យ Block this User។
៣. នៅក្នុងផ្ទាំងសម្រាប់ Block អ្នកអាចកំណត់មិនឱ្យ Contact នេះមាននៅក្នុង Contact list របស់អ្នកក៏បាននៅពេលដែលបាន Block រួចក៏បាន ហើយសូមចុចប៊ូតុង Block ដើម្បីបន្តការ Block។
Unblock
អ្នកគ្រាន់តែចុច Mouse ស្ដាំលើ Contact ដែលបានBlock រួចជ្រើសរើសយក Unblock this User ជាការស្រេច។

របៀបទីពីរ៖
១. នៅក្នុង toolbar របស់កម្មវិធី Skype សូមចុចលើ Contact menu → Advanced Features → Manage Blocked Contact…

២. នៅក្នុងផ្ទាំងសម្រាប់ Block Contact នេះអ្នកអាចជ្រើសរើស Block ឬ Unblock Contact បានតាមតម្រូវការ
៣. ជាចុងក្រោយអ្នកគ្រាន់តែចុច Save ដើម្បីរក្សានូវការកំណត់របស់អ្នក៕

តើ Google នឹងដាក់ Android ទៅជាប្រព័ន្ធប្រតិបត្តិការរបស់កុំព្យូទ័រ?

pharak — Thu, 23 Feb 2012 02:26:31 +0000

តាមឯកសារជាក់ស្តែងដែលបានរកឃើញដោយPatently Apple បានបង្ហាញថានៅថ្ងៃអានាគត Google ប្រហែលជាអាចដាក់ប្រព័ន្ធដំណើរការ Androidនៅលើ Desktop និង Notebook បាន។

បច្ចុប្បន្ននេះ Android OS ត្រូវបានរចនាឡើងក្នុងការប្រើប្រាស់ជាលក្ខណៈ touch commands និង actions នៅលើ Smartphone និង tablet ។ទោះបីជាយ៉ាងណាក៏ដោយ Android OSអាចនឹងបង្កើនសមត្ថភាពរបស់ខ្លួន ដើម្បីប្រើប្រាស់នៅលើឩបករណ៍ផ្សេងទៀត។

ចំពោះប្រតិបត្តិការក្នុងការ Touch របស់ Android ក៏មានលក្ខណៈដូចជា Apple’s multitouch, MacBook trackpad and Magic Trackpad ផងដែរ។ ជាការពិតតាមការបង្ហាញរបស់ Google ធ្លាប់បានឱ្យដឹងថា ក្នុងការប្រើប្រាស់ Multitiouch trackpad អ្នកប្រើប្រាស់អាចបញ្ជាដោយផ្ទាល់ជាមួយរូបភាពលើអេក្រង់ដោយគ្រាន់តែយកម្រាមដៃទៅចុចពីលើវាតែប៉ុណ្ណោះ ដូច្នេះនេះជាទំរង់នៃការប្រើប្រាស់ Touchscreen ដូចជា dragging/flinging content, scrolling ដែលវាដូចទៅនឹងប្រតិបត្តិការ Touch នៅលើកុំព្យូទ័រដែរ។

ជាមួយនេះយើងក៏ធ្លាប់បានដឹង និងបានសាកល្បងលើកម្មវិធី Android live CD ដែលអាចឱ្យយើងសាកប្រើប្រាស់ OS នេះនៅលើកុំព្យូទ័របាន ដូច្នេះយើងអាចជឿជាក់បានថា Google នឹងអាចកែច្នៃប្រព័ន្ធដំណើរការ Android របស់ខ្លួន ទៅប្រើប្រាស់នៅលើកុំព្យូទ័របាននៅថ្ងៃអានាគតជាមិនខាន។

ម៉ាស៊ីនកុំព្យូទ័រ ម៉ាក Winsonic សេរី G41

pharak — Wed, 22 Feb 2012 09:44:21 +0000

ប្រសិនបើលោកអ្នកស្វែងរកម៉ាស៊ីនកុំព្យូទ័រណាដែលមានតម្លៃសមរម្យ និងមានល្បឿនលឿន អាចយកទៅបំរើដល់កាងារការិយាល័យ ឬអាជីវកម្ម លោកអ្នកអាចជ្រើសរើសយកម៉ាស៊ីនកុំព្យូទ័រ ម៉ាក Winsonic G41 នេះបាន។

លក្ខណៈពិសេស៖

វាត្រូវបានបំពាក់ដោយ Mainboard Winsonic G41
CPU ប្រភេទ Core 2 Duoកម្រិត 2.93Mhz
Ram : 2GB DDR3
HDD : 500GB
DVD R/W
VGA : 1GB on board៕

តម្លៃប្រហែលៈ 310$ ៕

NAS បច្ចេកវិទ្យាផ្ទុកទិន្នន័យសម្រាប់បណ្ដាញ Network

samnang — Wed, 22 Feb 2012 09:39:50 +0000

តើ NAS គឺជាអ្វី ?

NAS ឬ ពាក្យពេញសរសេរថា Network attached storage គឺជាឧបករណ៍ផ្ទុកទិន្នន័យមួយដែលកំពុងពេញនិយមក្នុងចំណោមប្រភេទឧបករណ៍ផ្ទុកទិន្នន័យផ្សេងៗ ប៉ុន្តែអ្នកប្រើប្រាស់ភាគច្រើនមិនទាន់បានស្គាល់ឧបករណ៍ប្រភេទនេះនៅឡើយ ហើយគេច្រើនតែប្រើប្រាស់ថាសរឹងខាងក្រៅ( External HardDrive)សម្រាប់ទុកដាក់ឯកសារ ។ Network Attached Storage ត្រូវបានគេដោតភ្ជាប់តាមរយៈខ្សែរ Ethernet ទៅកាន់ Wireless Router បន្ទាប់មកកុំព្យូទ័រយួរដៃ ឬ ឧបករណ៍ផ្សេងទៀតដែលមាន Wi-Fi អាចប្រើឧបករណ៍នេះសម្រាប់ទុកដាក់ឯកសារ និងចែករំលែកឯកសារ ព្រមទាំងចម្លងឯកសារទាំងអស់ពីកុំព្យូទ័រជាច្រើនផ្សេងៗនៅក្នុងបណ្ដាញទៅកាន់ទីកន្លែងតែមួយ ។ វាមានលក្ខណខុសពីថាសរឹងខាងក្រៅ (External Hard Drive ) ដោយសារ NAS មានប្រដាប់គណនា( Processor) ហើយប្រើប្រព័ន្ធប្រតិបត្តិការ(Operating System) ផ្ទាល់នៅក្នុងឧបករណ៍សម្រាប់ផ្ដល់មុខងារជាច្រើនក្នុង ការរៀបចំទៅលើការចែករំលែកថាសរឹងរួមគ្នា ។ នៅក្នុងការតភ្ជាប់ប្រើ NAS គេត្រូវការ Routerជាឧបករណ៍សំខាន់នៅក្នុងបណ្ដាញ Network ដែលមានមុខងារក្នុងការចែក អ៊ីនធឺណិត ដល់កុំព្យូទ័រទាំងអស់នៅក្នុងបណ្ដាញ និងតភ្ជាប់កុំព្យូទ័រទាំងអស់រួមទាំងឧបករណ៍ផ្សេងទៀត ជាមួយគ្នា ។ ឧបករណ៍ NAS មានប្រសិទ្ធភាពជាងថាសរឹងធម្មតា ដោយផ្ដល់នូវលក្ខណពិសេសជាច្រើនក្នុងការប្រើប្រាស់ ។ លក្ខណពិសេស និង ការប្រើប្រាស់ NAS Server រួមមានដូចខាងក្រោម ៖
លក្ខណពិសេសរបស់ NAS
ប្រសិទ្ធភាព និង ទំនុកចិត្តក្នុងការប្រើប្រាស់
NAS មានលក្ខណខុសពីប្រភេទម៉ាស៊ីន Server ទូទៅដែលប្រើ HardWare និង Software ជាច្រើនលំដាប់ដើម្បីបំពេញកិច្ចការផ្សេងៗគ្នា ហើយ NAS Server មានប្រព័ន្ធប្រតិបត្តិការ និង កម្មវិធី Software និង HardWare ជំនាញពិសេសដែលត្រូវបានគេបង្កើតឡើងយ៉ាងជាក់លាក់សម្រាប់ប្រព័ន្ធដំណើរការយ៉ាងមានប្រសិទ្ធភាព ។ វាមានលក្ខណដោយឡែកពី Network Server ដោយផ្ដល់ទំហំ BandWidth បានច្រើន ហើយអាចឱ្យបណ្ដាញ Network ដែលភ្ជាប់់ជាមួយដំណើរការបានកាន់តែល្អជាង ។ លើសពីនេះទៅទៀត ដោយសារតែ ឧបករណ៍ NAS ដំណើរការដាច់ដោយឡែកពី Network Server បែបនេះវានៅតែប្រើបានទោះបីជា Network Server មិនដំណើរការក៏ដោយ ។

អាចផ្លាស់ប្ដូរបានគ្រប់កាលៈទេសៈ
រក្សាទុកទិន្នន័យនៅក្នុង NAS អាចត្រូវបានគេប្រើដោយ Client និង Server ផ្សេងគ្នានៅក្នុងបណ្ដាញ Network ទាំងមូលរបស់អ្នក ទោះបីជាអ្នកដទៃទៀតដែលនៅក្រៅបណ្ដាញក៏ដោយ ។ ឧបករណ៍ NAS គឺជាទីកន្លែងចែករំលែក Resource នៅក្នុង Network ដែលអាចបើកប្រើពីអ្នកប្រើប្រាស់ទាំងអស់ ។ ដូចនេះ NAS អាចឱ្យគេរៀបចំទីតាំងផ្ទុកទិន្នន័យរួមគ្នាមួយចំពោះតម្រូវការជាក់ស្ដែងសម្រាប់អ្នកប្រើប្រាស់ម្នាក់ៗជាជាងការផ្ដល់ចំណុះមានកំណត់ទៅឱ្យអ្នកប្រើប្រាស់ដែលអាចបណ្ដាលឱ្យមានការប្រើចំណុះផ្ទុកទិន្នន័យមិនគ្រប់គ្រាន់ ។ ម្យ៉ាងវិញទៀតគេអាចបន្ថែមចំណុះផ្ទុកទិន្នន័យបានគ្រប់ពេលដោយគ្រាន់តែបន្ថែម NAS Server ថ្មី ឬ បន្ថែម Drive ថ្មីទៅក្នុង NAS Server ដែលមានស្រាប់។
ភាពងាយស្រួលក្នុងការប្រើប្រាស់
គេអាចរៀបចំ និង ប្រើប្រាស់ NAS Server ភាគច្រើនប្រកបដោយភាពងាយស្រួល និង លឿនរហ័ស ដោយត្រូវការជំនាញ IT យ៉ាងតិចតួច ។ ដោយសារតែឧបករណ៍ NAS ត្រូវបានគេរៀបចំរួចជាស្រេចត្រូវនឹងស្ថានភាពផ្សេងៗ ហើយមិនត្រូវការចាំបាច់រៀបចំ NAS អោយដំណើរការជាមួយម៉ាស៊ីន Server ជាក់លាក់ណាមួយឡើយ ។ NAS Server អាចយកទៅដាក់នៅទីកន្លែងណាមួយនៅក្នុងបណ្ដាញ Network ដោយគ្រាន់តែដាក់ IP Adress និង កំណត់ Setting មួយចំនួន ហើយកន្លែងដាក់ឯកសារនេះនឹងអាចដំណើរការបានភ្លាម ។ លើសពីនេះទៅទៀត NAS Device ភាគច្រើនមានការកំណត់ស្រាប់ៗ និង មុខងារងាយស្រួលចាំផ្សេងទៀតដើម្បីធ្វើឱ្យប្រតិបត្តិការកាន់តែងាយស្រួល ។
ឧបករណ៍ NAS មួយចំនួនទៀតត្រូវបានគេរៀបចំរួចជាមុនឱ្យដំណើរការជាមួយពពួក Service ដូចជា Network File System (NFS) និង Common Internet File System (CIFS) ហើយការរៀបចំបែបនេះ NAS ផ្ដល់នូវលទ្ធភាពប្រើប្រាស់បានភ្លាមៗជាលក្ខណ Plug and Play ។ បន្ទាប់មកគេអាច គ្រប់គ្រង់ និង ចាត់ចែងទីតាំងសម្រាប់ផ្ទុកទិន្នន័យរួមគ្នានេះតាមរយៈកន្លែងតែមួយដោយប្រើផ្ទាំងកម្មវិធីនៅលើ Browser ហើយគេអាចឆែកមើលស្ថានភាពរបស់ឌិស ត្រួតពិនិត្យលើឯកសារ និង កំណត់សិទ្ធលើការប្រើប្រាស់ ពីគ្រប់ទីកន្លែងនៅក្នុងបណ្ដាញ Network ។
មានលទ្ធភាពការពារទិន្នន័យ

ការខូចខាតឌិសគឺជាបញ្ហាដែលមិនអាចរំពឹងទុក ។ វាអាចកើតមានជារាងរាល់ថ្ងៃទៅលើគ្រប់ប្រភេទនៃឌិស និងគ្រប់ស្ថានភាពទាំងអស់ ។ ប្រសិនបើទិន្នន័យរបស់គេទុកនៅក្នុងទីតាំងដែលមិនបានរៀបចំការការពារនោះទេ ការខូចខាតឌិសធម្មតាមួយអាចបណ្ដាលឱ្យបាត់បង់ទិន្នន័យ ។ ឧបករណ៍ NAS ដ៏ល្អមួយនឹងរៀបចំស្រាប់មាននូវ RAID មួយ ឬ ច្រើនលំដាប់ ហើយថែមទាំងមាន កន្លែងសម្រាប់ជ្រើសរើសកម្រិត RAID ទៅតាមតម្រូវការរបស់គេថែមទៀតផង ។ នៅពេលដែល NAS មួយត្រូវបានគេរៀបចំទៅតាមកម្រិត RAID ជាក់លាក់ ហើយឯកសារទាំងអស់នឹងត្រូវបានចម្លងចូលទៅតាមទម្រង់ RAID នោះដើម្បីការពារជាបន្តរបន្ទាប់ ។

ការប្រើប្រាស់ NAS Server

File Sharing :ប្រសិនបើគេមានកុំព្យូទ័រច្រើននៅក្នុងបណ្ដាញ ហើយត្រូវការទីកន្លែងមួយសម្រាប់ទុកដាក់ឯកសាររួមគ្នាពីកុំព្យូទ័រជាច្រើន ដែលជាបញ្ហាចម្បងត្រូវបានដោះស្រាយដោយការប្រើប្រាស់ NAS ។ តាមលក្ខណងាយៗគេអាចចាត់ទុក NAS ជា External Hard Drive មួយដែលតភ្ជាប់ទៅនឹង Router ជានិច្ច ហើយអាចប្រើប្រាស់បានពីកុំព្យូទ័រទាំងអស់នៅក្នុងបណ្ដាញ ។ វាមានភាពងាយស្រួលប្រើប្រាស់ដូចទៅនឹងថាសរឹងខាងក្រៅ ក្នុងការទុកដាក់និងបើកឯកសារដោយគ្រាន់តែចាប់ទាញយកមកដាក់ប៉ុណ្ណោះ ។

Media Center :សម្រាប់ទំលាប់ចែករំលែកឯកសារ គេអាចប្រើមុខងារផ្សេងមួយទៀត ហើយអាចឱ្យឧបករណ៍ផ្សេងៗដូចជា HD Media Player ធ្វើការចាក់ឯកសារមេឌៀជាច្រើនរបស់អ្នក ។ ប្រដាប់ចាក់ភាពយន្ត HD គឺជាឧបករណ៍ដែលភ្ជាប់ទៅកាន់ទូរទស្សន៍ ដូចជា DVD Player ប៉ុន្តែអាចបើករូបថត ខ្សែភាពយន្ត តន្ត្រីពីថាសរឹងដែលតភ្ជាប់ទៅឧបករណ៍នឹង ឬ ទាញយកឯកសារចេញពីឧបករណ៍ NAS របស់អ្នក ។ លទ្ធភាពរបស់ NAS គឺថាវាអាចរក្សាទុកឯកសារមេឌៀទាំងអស់របស់អ្នកនៅលើទីកន្លែងតែមួយ ហើយអាចបើកមើលពីទីកន្លែងណាមួយក៏បាននៅក្នុងបណ្ដាញ ។ គេអាចមានប្រដាប់ចាក់តន្ត្រីនៅគ្រប់ទីកន្លែង ហើយអាចចាក់តន្ត្រីស្របគ្នាចេញពីឧបករណ៍ NAS តែមួយ ។ នេះមានន័យថាអ្នកមិនចាំបាច់ផ្លាស់ទីថាសរឹងទៅវិញទៅមកឬចម្លងឯកសារដដែលៗច្រើនពេក ។

Printer Sharing : ភាគច្រើនគេតែងតែប្រើម៉ាស៊ីនព្រីនដែលភ្ជាប់តាមរយៈខ្សែ USB ហើយវាបម្រើការបានយ៉ា់ងល្អ ប៉ុន្តែអាចជាបញ្ហាបន្តិចនៅពេលអ្នកផ្សេងទៀតត្រូវការប្រើវាដែរ ហើយកុំព្យូទ័ររបស់អ្នកនោះមិនបានតភ្ជាប់ទៅកាន់ម៉ាស៊ីនព្រីនដោយផ្ទាល់់ឡើយ ។ ដូច្នេះ NAS ក៏ត្រូវបានគេប្រើសម្រាប់ តភ្ជាប់ម៉ាស៊ីនព្រីនតាមរយៈរន្ធ USB ហើយចែករំលែកម៉ាស៊ីនព្រីនប្រើជាមួយគ្រប់ម៉ាស៊ីនកុំព្យូទ័រ ។

Remote Acess :តើហេតុអ្វីបានជាគេត្រូវការបញ្ជាប្រើប្រាស់ពីទីឆ្ងាយ ? ឧបករណ៍ NAS ភាគច្រើន រួមមានលទ្ធភាពមិនត្រឹមតែទុកដាក់ឯកសារប៉ុណ្ណោះទេ ប៉ុន្តែថែមទាំងមានលទ្ធភាពឱ្យគេបើកប្រើពីគ្រប់់ទីកន្លែងនៅលើពិភពលោក ។ គេមុខជាអាចស្ដាប់តន្ត្រីដែលគេចូលចិត្តភ្លាមនៅលើ Browser ឬ ទាញយកឯកសារផ្សេងៗចេញពីឧបករណ៍ NAS ។

សម្រាប់ចម្លងឯកសារទុក (Backup) : គេបានដឹងយ៉ាងច្បាស់ថាតើឯកសារមានសារសំខាន់យ៉ាងណាចំពោះយើង ហើយយើងត្រូវតែចម្លងវាទុកឱ្យបានញឹកញាប់ ។ គេអាចប្រើប្រាស់ NAS ដែលធ្វើឱ្យការងារបែបនេះនឹងកាន់តែ ងាយស្រួល ដោយមិនចាំបាច់ឱ្យអ្នកធ្វើការចម្លងដោយខ្លួនឯងឡើយ ។ ជាមួយការប្រើប្រាស់ ប្រព័ន្ធរក្សាទុកឯកសារនៅលើបណ្ដាញ នៅពេលដំឡើងដំបូងវានឹងដំឡើងកម្មវិធី Backup មកជាមួយ ដោយទទួលខុសត្រូវចំពោះការកំណត់របស់អ្នកក្នុងការអោយវាចម្លងទិន្នន័យដោយខ្លួនឯងជាបន្តរបន្ទាប់នៅលើកុំព្យូទ័ររបស់អ្នក ។

LG ប្រកាសទូរស័ព្ទ Optimus 3D Cube បន្ថែមលើទូរស័ព្ទ ៣សេរីដែលទើបនឹងបង្ហាញចេញ

leangbunna — Wed, 22 Feb 2012 09:26:47 +0000

បន្ទាប់ពីបានប្រកាសទូរស័ព្ទស៊េរីថ្មី L-series ចំនួន ៣ ម៉ូដែលកាលម្សិលមិញរួចមក ក្រុមហ៊ុន LG ក៏ត្រៀមបញ្ចេញទូរស័ព្ទ smartphone មួយប្រភេទទៀតដែលនឹងត្រូវបង្ហាញនៅមុនពេលកម្មវិធី MWC មកដល់នាពេលខាងមុខនេះ។ ទូរស័ព្ទ smartphone មួយនេះមានឈ្មោះថា Optimus 3D Cube ដែលវានឹងត្រូវស្នងតំណែងពី Optimus 3D។

ក្នុងនាមជាអ្នកស្នងតំណែងពី Optimus 3D, ទូរស័ព្ទ Optimus 3D Cube នេះវាមានរូបរាងស្តើងជាងទូរស័ព្ទ Optimus 3D គឺមានកម្រាស់ត្រឹមតែ 9.6mm ប៉ុណ្ណោះបើប្រៀបធៀបទៅនឹងទូរស័ព្ទ Optimus 3D វិញគឺមានកម្រាស់ដល់ទៅ 11.9mm ។ ចំណែក ថ្មរបស់វាមានលក្ខណៈធំហើយស្តើង ឯល្បឿនដំណើរការរបស់វា គឺបំពាក់ដោយ CPU ទំហំ 1.2GHz ហើយមានមេម៉ូរីទំហំ 16GB និងមានបំពាក់មកជាមួយរួចជាស្រេចនូវបច្ចេកវិទ្យា NFC ។ ជាងនេះទៅទៀត គឺវាមិនត្រឹមតែអាចចាប់រូបភាពជា 3D និងថតវីដេអូ 3D បានប៉ុណ្ណោះទេ វាថែមទាំងអាចកែប្រែ រូបភាព 3D បានដោយផ្ទាល់នៅលើទូរស័ព្ទបានទៀតផង ។

ថ្វីត្បិតតែវាមានលក្ខណល្អប្រសើរជាង Optimus 3D មែន តែវាក៏មានចំនុចមួយចំនួនដូចគ្នាដែរ គឺវាមានអេក្រង់ទំហំ ៤.៣អ៊ីញ, អេក្រង់ដែលអាចមើល 3D ដោយមិនចាំបាច់មានវ៉ែនតា និងមានកាមេរ៉ាទំហំ 5 megapixel ចំនួនពីរនៅផ្នែកខាងក្រោយសម្រាប់ថតវីដេអូ 3D ក្នុងកម្រិតខ្ពស់ Full HD (1080p)។ Optimus 3D Cube នឹងត្រូវដំណើរការលើប្រព័ន្ធប្រតិបត្តិការ Android 2.3 ហើយអាច update ទៅជា Ice Cream Sandwich បានក្នុងពេលឆាប់ៗនេះ ៕

កាមេរ៉ា Lumix DMC-GX1 សេរីថ្មី

pharak — Wed, 22 Feb 2012 09:08:14 +0000

Lumix DMC-GX1 នេះជាប្រភេទឌីជីថលកាមេរ៉ាសេរីថ្មីដែលក្រុមហ៊ុន Panasonic បានផលិតវាឡើងសម្រាប់ថតយករូបភាពបានយ៉ាងភ្លឺថ្លា និងមានកម្រិតពន្លឺច្បាស់ល្អ ដោយមានកញ្ចក់ថ្លាមានល្បឿនលឿនក្នុងការចាប់យករូប។ ទោះបីជាការថតរូបស្ថិតនៅរយៈចម្ងាយឆ្ងាយក៏គុណភាពនៃការចាប់យករូបភាពភ្លឺច្បាស់យ៉ាងរហ័ស និងមានកម្រិតច្បាស់16 megapixels ព្រមទាំងមានមុខងារសម្រាប់ថតចាប់យករូបភាពជិត ឬឆ្ងាយបានយ៉ាងល្អឥតខ្ចោះ។

លក្ខណៈពិសេស៖

-ខ្នាតទំហំ៖ 2.7 x 4.6 x 1.6 អ៊ីញនិងទម្ងន់9.6 OZ។

-កម្រិតភ្លឺច្បាស់៖16 megapixels។

-កម្រិតនៃការពង្រីកពង្រួមបាន៖ 17.3 x 13 (Micro 4/3) mm។

-ប្រើTouch screen និងអេក្រង់ LCD។

-អាចភ្ជាប់ឧបករណ៍កម្សាន្តផ្សេងៗបាន៖ SD/SDHC/SDXC & USB។

-មានមុខងារអាច zoom បាន 3x។

LGប្រកាសទូរស័ព្ទស៊េរីថ្មីម៉ូដែល LG Optimus L7 & L5 and L3នឹងត្រូវបង្ហាញក្នុងកម្មវិធី MWC 2012 សប្ដាហ៍ក្រោយ

leangbunna — Wed, 22 Feb 2012 08:55:58 +0000

ស្របពេលដែលទីផ្សារបច្ចេកវិទ្យាទូរស័ព្ទកំពុងប្រកួតប្រជែង កាលពីម្សិលមិញក្រុមហ៊ុន LG ប្រកាសត្រៀមចេញលក់ទូរស័ព្ទ Smartphone ចំនួន ៣ ម៉ូដែលបន្ថែមទៀតគឺម៉ូដែល Optimus L7, Optimus L5 និង Optimus L3 ដែលនឹងត្រូវបង្ហាញខ្លួនក្នុងកម្មវិធី World Mobile Congress 2012 នៅសប្ដាហ៍ក្រោយនេះ។

ទូរស័ព្ទ Smartphone Optimus L ទាំងបីនេះនឹងមានលក្ខណៈជាការ៉េនៃជ្រុងទាំងបួនរបស់វា ហើយផលិតឡើងពីលោហៈធាតុ និងមានរូបរាងស្ដើង និងអេក្រង់ភ្លឺថ្លា។

LG Optimus L7 នឹងមានអេក្រង់ទំហំ 4.3អ៊ីញ ហើយដំណើរការដោយ Android ICS OS រីឯ LG Optimus L5 មានអេក្រង់ 4.0អ៊ីញនិងដំណើរការដោយ Android ICS OS ដូចគ្នា ។ ទូរស័ព្ទទាំងពីរម៉ូដែលនេះគេសង្ឃឹមថានិងចេញលក់នៅអឺរ៉ុបនៅពាក់កណ្ដាលឆ្នាំនេះ។

ចំពោះ LG Optimus L3 វិញមានអេក្រង់ទំហំ 3.2អ៊ីញហើយដំណើរការដោយ Android Gingabread (2.3) OS ។ វានឹងចេញលក់នៅក្នុងខែមិនាខាងមុខនេះនៅតំបន់អឺរ៉ុប ៕

របៀបបង្ហាញលេខសម្ងាត់ដែលត្រូវបានបិតបាំងក្នុងគេហទំព័រ

pharak — Wed, 22 Feb 2012 08:47:33 +0000

ជាធម្មតានៅក្នុង Website ដែលមានការវាយលេខសម្ងាត់គឺយើងឃើញមានសញ្ញាមូលៗ ឬផ្តាយ ដើម្បីជំនួសឱ្យតូរអក្សរដែលគេធ្លាប់បានវាយ ឬកំពុងវាយបញ្ចូល។

ដូច្នេះតើយើងមានវិធីសាស្រ្តអ្វីដែលអាចមើលលេខសម្ងាត់ទាំងនោះបាន?

ដូច្នេះថ្ងៃនេះ CM លើកយកវិធីសាស្រ្តមួយដើម្បីដោះស្រាយបញ្ហានេះ។

ជាការសាកល្បងសូមអនុវត្តដូចខាងក្រោម

មុនដំបូងយើងត្រូវចូលទៅក្នុងWebsite ណាដែលយើងចង់ឱ្យបង្ហាញលេខសម្ងាត់ ។

Example : www.yahoo.com

បន្ទាប់មកយើងវាយនូវលេខសម្ងាត់របស់យើង វានឹងចេញនូវសញ្ញាមូលៗ

រួចយើងត្រូវ Copy Code ខាងក្រោមនេះ

javascript:(function(){var%20s,F,j,f,i;%20s%20=%20%22%22;%20F%20=%20document.forms;%20for(j=0;%20j%20{%20f%20=%20F[j];%20for%20(i=0;%20i%20{%20if%20(f[i].type.toLowerCase()%20==%20%22password%22)%20s%20+=%20f[i].value%20+%20%22\n%22;%20}%20}%20if

%20(s)%20alert(%22Passwords%20in%20forms%20on%20this

%20page:\n\n%22%20+%20s);%20else%20alert(%22There%20are

%20no%20passwords%20in%20forms%20on%20this

%20page.%22);})();

ទៅដាក់ក្នុង Url ដែលជាកន្លែងសំរាប់វាយ Address Website

រួច Enter ជាការស្រេច។

ចំណាំ ៖

Code នេះមានប្រសិទ្ធភាពចំពោះ Browser : IE, Google Chrome និង Browser មួយចំនួនទៀតប៉ុណ្ណោះ វាមិនអាចស្គាល់គ្រប់ Browser ទាំងអស់បានទេ ឩទាហរណ៍ វាអាចមិនស្គាល់ក្នុងFirefox 10 ជាដើម។
រាល់ការវាយលេខសម្ងាត់ក្នុងគេហទំព័រ យើងគួរតែកុំឱ្យវា Remember Password ជាពិសេស ក្រោយពេល Sign out , User គួរតែ Clear នូវ User និង Password ក្នុងកន្លែង Sign in ដើម្បីជៀសវាង Hackerអាចលួចយក User and Password របស់យើងបាន៕

ទស្សនាវដ្ដីវិទ្យាសាស្រ្តកុំព្យូទ័រ

កម្មវិធី​កម្ចាត់​មេរោគ​​​ Panda ចូលរួម​ឧបត្ថម្ភ​សន្និសីទ​​ព័ត៌មានវិទ្យា

SAMSUNG Galaxy S Blaze 4G នឹង​ចេញ​​លក់​នៅ​ចុង​ខែ​មិនា​ខាង​មុខ​នេះ

របៀប​ Block ឬ​ Unblock​ Contact ​នៅ​ក្នុង​ Skype

តើ Google នឹងដាក់ Android ទៅជាប្រព័ន្ធប្រតិបត្តិការរបស់កុំព្យូទ័រ?

ម៉ា​ស៊ីន​កុំព្យូទ័រ ម៉ាក Winsonic សេរី G41

NAS បច្ចេកវិទ្យា​ផ្ទុក​ទិន្នន័យ​សម្រាប់​បណ្ដាញ​ Network

LG ប្រកាស​ទូរស័ព្ទ​ Optimus 3D Cube ​បន្ថែម​លើ​ទូរស័ព្ទ​ ៣​សេរី​ដែល​ទើប​នឹង​បង្ហាញ​ចេញ

កា​មេ​រ៉ា Lumix DMC-GX1 សេរីថ្មី

LGប្រ​កាស​ទូរស័ព្ទ​ស៊េរី​ថ្មី​ម៉ូដែល LG Optimus L7 & L5 and L3​នឹង​ត្រូវ​បង្ហាញ​ក្នុង​កម្ម​វិធី​ MWC 2012​ សប្ដាហ៍​ក្រោយ

របៀប​បង្ហាញ​លេខ​សម្ងាត់​ដែល​ត្រូវ​បាន​បិត​បាំង​ក្នុង​គេ​ហ​ទំព័រ