Computer Magazine : CM.COM.KH

មជ្ឈមណ្ឌលបណ្តុះបណ្តាលវិទ្យាសាស្រ្តកុំព្យូទ័រ (CM Training Center) ជាមជ្ឈមណ្ឌលបណ្តុះបណ្តាលលើផែ្នកជំនាញ IT តែមួយគត់ប្រកបដោយគុណភាពខ្ពស់។ ជាពិសេសសិស្សដែលបានបពា្ចប់ការសិក្សានៅមជ្ឈមណ្ឌល CM នឹងបានទទួលការងារផែ្នក IT នៅក្នុងក្រុមហ៊ុន PERFEXCOM GROUP និងក្រុមហុ៑នជាច្រើនដែលជាដៃគូរ របស់ក្រុមហ៊ុន PERFEXCOM GROUP ។

ទំព័រដើម ព័ត៌មាន ផលិតផល កម្មវិធីអនុវត្តន៍ ទាញយកឯកសារ ដំណោះស្រាយ ការគ្រប់គ្រង-គន្លឹះខ្លីៗ អ៊ីនធឺណេត-ប្រព័ន្ធបណ្ដាញ ការកំសាន្ត សំនួរ-ចម្លើយ

កម្មវិធីអនុវត្តន៏

កម្មវិធីអនុវត្តន៏ផ្សេងៗ

ទំព័រដើម >> កម្មវិធីអនុវត្តន៏ >> ផ្នែកកម្មវិធីអនុវត្តន៏ >>គ្រប់គ្រងពេលវេលាកូនៗរបស់អ្នកជាមួយនឹង Kids PC Times Administrator

គ្រប់គ្រងពេលវេលាកូនៗរបស់អ្នកជាមួយនឹង Kids PC Times Administrator

ប្រសិនបើលោកអ្នកមានការព្រួយបារម្ពពីកូនៗរបស់លោកអ្នក ដែលចំណាយពេលឥតប្រយោជន៍ជាច្រើននៅលើ Online ឬក៏លេង ហ្គេម យើងខ្ញុំសូមណែនាំកម្មវិធីមួយប្រភេទដែលនឹងផ្ដល់ដំណោះស្រាយ ឱ្យលោកអ្នក។ កម្មវិធីនេះអាចឱ្យអ្នកធ្វើការកំណត់រយៈពេលសម្រាប់ កូនរបស់អ្នកក្នុងការប្រើប្រាស់កុំព្យូទរ័ និងអ៊ីនធឺណិតបាន។ កម្មវិធី Kid PC Time Administrator អាចកំណត់នូវពេលដ៏ប្រាកដមួយ និង រយៈពេលសម្រាប់ឱ្យ Userប្រើនៅលើម៉ាស៊ីនកុំព្យូទ័ររបស់លោកអ្នក ។ អ្នកអាចកំណត់ចន្លោះពេលឬក៏ចំនួនម៉ោងឱ្យកូននីមួយៗរបស់អ្នកប្រើ កុំព្យូទ័រក្នុងមួយថ្ងៃដែលកម្មវិធីនេះ និងបិទមិនឱ្យកូនរបស់អ្នកប្រើ កុំព្យូទ័រនៅពេលដែលដល់ម៉ោង ដែលអ្នកបានកំណត់។ Kids PC Time Administrator នឹងធ្វើការរក្សាទុករាល់សកម្មភាពទាំងអស់ចូលទៅក្នុង Log file មួយ ដូចនេះ លោកអ្នកអាចដឹងពីពេលវេលា និងរយៈពេល ដែលកូនរបស់អ្នកប្រើកុំព្យូទ័រ ម្យ៉ាងវិញទៀតវាក៏មាន លេខសម្ងាត់ សម្រាប់គ្រប់គ្រងទៅលើកម្មវិធីក្នុងការបង្កាមិនឱ្យផ្លាស់ប្ដូរទម្រង់ឬ លុប កម្មវិធីនេះបានឡើយ ។
តម្រូវការប្រើប្រាស់ ៖
- ប្រព័ន្ធប្រតិបត្ដិការ ៖ Window 2000/2003/XP/Vista
- ទំហំ 5.35MB
- ថតចម្លងតាមវិបសាយៈ www.cm.com.kh
- រយៈពេលប្រើប្រាស់ : ប្រើបានរហូត
របៀបប្រើប្រាស់ៈ
មុនដំបូងលោកអ្នកត្រូវបង្កើត User ថ្មីមួយ រួចបើកចូលទៅកាន់ User Account ថ្មីនោះដើម្បីឱ្យវាអាចដំណើរការបាន បន្ទាប់មក ត្រលប់ចូលមក User Account របស់អ្នកវិញ ហើយចាប់ផ្ដើមបើក កម្មវិធីនេះ ដោយចូលទៅកាន់ Start => All Program => Kid PC Time Administrator => Kid PC Time Administrator នោះ លោកអ្នកនឹងទទួលបានផ្ទាំងកម្មវិធីដូចរូបខាងក្រោមៈ

នៅពេលដែលកម្មវិធីនេះដំណើរការលោកអ្នកនឹងបានឃើញ ផ្ទាំង Window មួយទៀត លេចឡើងដែលមានឈ្មោះថា Quick setting explorer ដែលអាចឱ្យលោកអ្នកកំណត់ការប្រើប្រាស់ទៅឱ្យ User ហើយលោកអ្នកអាចឃើញផ្ទាំងដំបូងគេឈ្មោះ Password ដែលជាកន្លែងសម្រាប់កំណត់លេខសម្ងាត់ក្នុងការគ្រប់គ្រងកម្មវិធីនេះ ដើម្បីដាក់លេខសម្ងាត់អ្នកត្រូវចុចលើប៊ូតុង Administrator Password រួចធ្វើការបញ្ជូលលេខសម្ងាត់ហើយចុច Next ដើម្បីចូលទៅកាន់ ផ្ទាំងមួយទៀត ដូចរូបខាងក្រោមៈ

នៅក្នុងផ្ទាំង User នេះលោកអ្នកនឹងឃើញ User ដែលលោកអ្នក បានបង្កើតនៅក្នុងតារាង The List Of PC users ហើយលោកអ្នក ក៏អាចបញ្ចូល User ទៅក្នុងក្រុមតែមួយដើម្បីកំណត់ការប្រើប្រាស់ ទៅឱ្យក្រុមនៃ User នោះតែម្ដង ដោយជ្រើសរើស User ហើយ ជ្រើសរើស Group បន្ទាប់មកចុចប៊ូតុង Include to the group តែ បើសិនមិនបញ្ចូលទៅក្នុងក្រុមណាមួយទេលោកអ្នកអាចជ្រើសរើស តែ User មួយក៏បាន។ ហើយចុច Next ចូលទៅកាន់ផ្ទាំងមួយទៀត ដូចរូបខាងក្រោមៈ

នៅក្នុងផ្ទាំងនៃ Time Schedule នេះ អាចឱ្យលោកអ្នកកំណត់នូវ ចន្លោះពេលប្រើប្រាស់កុំព្យូទ័រសម្រាប់ User ដោយលោកអ្នកគ្រាន់ តែជ្រើសរើស User និងថ្ងៃសម្រាប់ប្រើប្រាស់

បន្ទាប់មកចុចទៅលើប៊ូតុង Add លោកអ្នកនឹងទទួលបានផ្ទាំង Windows មួយសម្រាប់កំណត់ចន្លោះពេល

នៅកន្លែង Since ជាចំនុចចាប់ផ្ដើមនៃម៉ោង និង To ជាចំណុច បញ្ចប់នៃម៉ោង ហើយនៅចន្លោះម៉ោងនេះបើសិនជារើសយក Allowed time គឺអនុញ្ញាតឱ្យប្រើប្រាស់កុំព្យូទ័រ និង Disallowed time ជាចន្លោះពេលដែលមិនអនុញ្ញាតឱ្យប្រើ ។ រួចចុច Ok ហើយបន្ទាប់មក លោកអ្នកនឹងឃើញម៉ោងដែលបានកំណត់នៅកន្លែងដូចរូបខាងក្រោមៈ

បន្ទាប់មកចុច Next ចូលទៅកាន់ផ្ទាំង មួយទៀតដូចរូបខាងក្រោម ៖

នៅក្នុងផ្ទាំងឈ្មោះ Protect Folders នេះជាកន្លែងសម្រាប់ ការពារ Folder ឬ Drive ពីការប្រើប្រាស់របស់ User ដោយ លោកអ្នកគ្រាន់តែ ជ្រើសរើស Folder ឬ Drive រួចចុចទៅលើប៊ូតុង Protect នោះ វានឹងបញ្ចូលទៅក្នុងតារាងមួយដូចរូបខាងលើ។ បន្ទាប់មកចុច Next ចូលទៅកាន់ ផ្ទាំងចុងក្រោយ

នៅក្នុងផ្ទាំងចុងក្រោយនេះជាកន្លែងសម្រាប់កំណត់សុវត្ថិភាព លើការប្រើប្រាស់កុំព្យូទ័រសម្រាប់ User ដែលចែកចេញជា 5 ចំណុច ដូចខាងក្រោមៈ
- Forbid User to change the system time ៖ បង្ការ User មិនឱ្យផ្លាស់ប្ដូរម៉ោង
- Not allow install unwanted program៖ មិនអនុញ្ញាតឱ្យ ដំឡើងកម្មវិធីផ្សេងៗ
- Disable the “ task manager” បិទ Task manager ដើម្បី ជៀសវាងពីការបិទ Process របស់កម្មវិធីនេះ
- Disable the “add/Remove program” applet in the control panel ៖ បិទមិនឱ្យ User ធ្វើការលុបកម្មវិធី
- Disable the ability to manage users account ( add,/delete users, change user password, etc): សម្រាប់បិទមិនឱ្យ User ផ្លាស់ប្ដូរ account បាន។ បន្ទាប់ពីលោកអ្នកបានធ្វើការកំណត់រួចហើយចុច Finish ។ ហើយ យើងត្រូវកំណត់ចំណុចបន្ថែមមួយចំនួនទៀតដោយចុចទៅលើ Program setting => General Option នោះ លោកអ្នកនឹងឃើញ ផ្ទាំងកម្មវិធីដូចខាងក្រោម ៖

នៅទីនេះលោកអ្នកត្រូវចុចធីកទៅលើពាក្យ log user activity ដើម្បីរក្សាទុកនូវសកម្មភាព និងកំឡុងពេលរបស់ User ហើយ បន្ទាប់ពីនេះមានចំណុចមួយទៀតដោយលោកអ្នកចុចទៅលើ Program setting => time related option ចូលទៅកំណត់ Option មួយចំនួន ដូចរូបខាងក្រោមៈ

នៅទីនេះលោកអ្នកអាចកំណត់នៅពេលដែលដល់ម៉ោងដូចជា Log of Windows, Restart windows, shutdown Windows ជាដើម ហើយព្រមទាំងអាចកំណត់ Option មួយចំនួនទៀតដែលអ្នកចង់បាន នៅពេលដែលកំណត់រួចរាល់ហើយលោកអ្នកត្រូវរក្សាទុក ដោយ ចូលទៅកាន់ File => Save ។ ពេលបញ្ចប់ការងារទាំងនេះលោកអ្នកសាក Log ចូលទៅកាន់ User Account នោះ ដើម្បីមើលថាតើមានអ្វីកើតឡើងចំពោះ User នោះ។
ចំណាំៈ លោកអ្នកត្រូវតែមានសិទ្ធិជា Admin ដើម្បីអាចប្រើប្រាស់ កម្មវិធីនេះ ហើយត្រូវតែប្រយ័ត្នកុំឱ្យភ្លេចលេខសម្ងាត់។

	ជ្រើសរើសកម្រិតសំខាន់នៃសារៈប្រយោជន៍របស់អត្ថបទពីកម្រិតទាបបំផុតលេខ១ រហូតដល់កម្រិតខ្ពស់បំផុតលេខ៥
កម្រិតសំខាន់នៃអត្ថបទ៖	១ ២៣ ៤ ៥
	ការយល់ឃើញ និងមតិរិៈគន់ដើម្បីស្ថាបនាលើអត្ថបទមួយនេះ
ការយល់ឃើញ & មតិរិៈគន់ដើម្បីស្ថាបនា៖
	សូមបញ្ចេញយោបល់យល់ឃើញរបស់អ្នកស្ដីពីអត្ថបទនេះ
អាសយដ្ឋានអ៊ីម៉ែល៖	បញ្ជាក់៖ អាសយដ្ឋានអ៊ីម៉ែលរបស់អ្នកមិនត្រូវបានបង្ញាញនៅទំព័រនេះទេ តែវាបង្ហាញ ‹ឈ្មោះបង្ហាញនៅលើវ៉ិបសាយ› គឺឈ្មោះដែលលោកអ្នកបានចុះឈ្មោះជាសមាជិក។ * ចាំបាច់ត្រូវតែបំពេញអាសយដ្ឋានអ៊ីម៉ែល *
យោបល់របស់អ្នកចំពោះអត្ថបទ៖