Computer Magazine : CM.COM.KH

មជ្ឈមណ្ឌលបណ្តុះបណ្តាលវិទ្យាសាស្រ្តកុំព្យូទ័រ (CM Training Center) ជាមជ្ឈមណ្ឌលបណ្តុះបណ្តាលលើផែ្នកជំនាញ IT តែមួយគត់ប្រកបដោយគុណភាពខ្ពស់។ ជាពិសេសសិស្សដែលបានបពា្ចប់ការសិក្សានៅមជ្ឈមណ្ឌល CM នឹងបានទទួលការងារផែ្នក IT នៅក្នុងក្រុមហ៊ុន PERFEXCOM GROUP និងក្រុមហុ៑នជាច្រើនដែលជាដៃគូរ របស់ក្រុមហ៊ុន PERFEXCOM GROUP ។

ទំព័រដើម ព័ត៌មាន ផលិតផល កម្មវិធីអនុវត្តន៍ ទាញយកឯកសារ ដំណោះស្រាយ ការគ្រប់គ្រង-គន្លឹះខ្លីៗ អ៊ីនធឺណេត-ប្រព័ន្ធបណ្ដាញ ការកំសាន្ត សំនួរ-ចម្លើយ

មាតិកាព័ត៌មាន

ព័ត៏មានក្នុងស្រុកផ្សេងៗ

ទំព័រដើម >> ព័ត៌មាន >> ព័ត៌មានក្នុងស្រុក >>TC ច្រានចោលការចោទប្រកាន់ថាខ្លួនផ្គត់ផ្គង់សេវាអ៊ីនធឺណិតផ្ដាច់មុខ

TC ច្រានចោលការចោទប្រកាន់ថាខ្លួនផ្គត់ផ្គង់សេវាអ៊ីនធឺណិតផ្ដាច់មុខ

កាលពីថ្ងៃព្រហស្បតិ៍ម្សិលមិញនេះអគ្គនាយករបស់ក្រុមហ៊ុនទូរគមនាគមន៍កម្ពុជា (TC) បានប្រាប់ថាការចោទប្រកាន់ចំពោះក្រុមហ៊ុនរបស់លោកថាមានគម្រោងទិញសិទ្ធិផ្ដាច់មុខក្នុងការផ្គត់ផ្គង់សេវាអ៊ីនធឺណិតដើម្បីស្វែងរកហិរញ្ញវត្ថុឲ្យកាន់តែច្រើនសម្រាប់ការបើកដំណើរការផ្សារហ៊ុនថ្មីនៅកម្ពុជាថាជារឿងមិនពិតសោះឡើយ។ ប្រភពមួយចំនួនដែលទទួលបានពីវិស័យព័ត៌មានវិទ្យា (ICT) និងទូរគមនាគមន៍បានអះអាងប្រាប់ភ្នំពេញប៉ុស្តិ៍ថាកាផ្លាស់ប្ដូរសេវាអ៊ីនធឺណិតទាំងនៅ ក្នុងស្រុក (DIX) និងក្រៅស្រុក(IIX) ដែលគ្រប់គ្រងដោយ TC គឺដើម្បីធានាដល់ស្ថានភាពហិរញ្ញវត្ថុរបស់ក្រុមហ៊ុននាពេលបច្ចុប្បន្ននិងនាថ្ងៃអនាគត។ ផែនការនេះនឹងធ្វើឲ្យក្រុមហ៊ុនរបស់រដ្ឋមួយនេះក្លាយទៅជាស្ថាប័នដែលអាចលក់សេវាអ៊ីនធឺណិតល្បឿនលឿនពីបរទេសទៅឲ្យក្រុមហ៊ុនផ្គត់ផ្គង់ក្នុងស្រុក ប្រភពដដែលនោះបានអះអាងទៀតថាផែនការនេះគឺដើម្បីធានាដល់ប្រាក់ចំណូលនិងស្ថានភាពរបស់ TC នៅលើទីផ្សារមុនពេលក្រុមហ៊ុននេះប្រកាសលក់ភាគហ៊ុនរបស់ខ្លួននៅលើផ្សារហ៊ុនកម្ពុជាដែលគ្រោងនឹងដំណើរការនៅចុងឆ្នាំនេះ។ ប្រភពមួយផ្សេងទៀតបានប្រាប់ភ្នំពេញប៉ុស្តិ៍កាលពីថ្ងៃពុធកន្លងទៅថា៖"ទូរគមនាគមន៍កម្ពុជាជាក្រុមហ៊ុនកាន់កាប់ដោយរដ្ឋចំនួនបីដែលនឹងត្រូវចូលរួមនៅក្នុងផ្សារហ៊ុន។ជាការពិតណាស់ក្រុមហ៊ុននេះមិនមានតម្លៃគ្រប់គ្រាន់សម្រាប់ចូលរួមនៅក្នុងផ្សារហ៊ុននោះឡើយ"។ យោងតាមផែនការនោះTC និងក្លាយទៅជាអ្នកគ្រប់គ្រងវិស័យនេះទាំងមូល។តាមគោលការណ៍ផែនការនេះនឹងផែនការលួចអាជីវកម្មពីក្រុមហ៊ុនចែកចាយសេវាដុំផ្សេងៗទៀតព្រមទាំងបង្ខំឲ្យក្រុមហ៊ុនទាំងនោះទិញសេវាអ៊ីនធឺណិតពី TC។ទោះបីជាយ៉ាងណាគម្រោងរបស់ក្រុមហ៊ុននឹងបំផ្លាញទីផ្សារអ៊ីនធឺណិតទាំងមូលដើម្បីលក់ភាគហ៊ុនរបស់ខ្លួននៅលើផ្សារហ៊ុនឲ្យទទួលបានប្រាកចំណេញ។ ប្រភពមួយផ្សេងទៀតបានឲ្យដឹងដែរថា៖"យើងដឹងថានេះជាបញ្ហាលុយកាក់ប៉ុន្តែពួកគេមិនអាចនិយាយបានឡើយ TC កំពុងក្លាយទៅជាក្រុមហ៊ុនមួយដែលធ្វើអាជីវកម្មជាសាធារណៈនៅលើផ្សារហ៊ុនកម្ពុជានៅពេលវាបើកដំណើរការ"។ ប្រភពនោះបានបញ្ជាក់ថា៖"ក្រុមហ៊ុននេះនឹងស្ថិតនៅក្នុងស្ថានភាពមួយដែលអាចរកប្រាក់ចំណេញបានអតិបរមាប្រសិនបើវាទទួលបានសិទ្ធិផ្ដាច់មុនមែននោះ។ដូច្នេះអ្នកគ្រប់ៗរូបត្រូវបានបង្ខំឲ្យទិញសេវាអ៊ីនធឺណិតទាំងអស់ត្រូវឆ្លងកាត់ TC ហើយក្រុមហ៊ុននេះមានសិទ្ធិសម្រេចលើតម្លៃសេវារបស់ខ្លួនពីដៃគូប្រកួតប្រជែងរបស់ខ្លួន"។ កាលពីថ្ងៃព្រហស្បតិ៍ម្សិលមិញប្រភពមួយដែលសុំមិនបញ្ចេញឈ្មោះបានបើកលើកឡើងថា៖"ក្រុមហ៊ុនទូរគមនាគមន៍កម្ពុជាមិនមានទ្រព្យសកម្មអ្វីទាំងអស់។ឧបករណ៍តភ្ជាប់បណ្ដាញការគ្រប់គ្រងនិងស្តង់ដាផ្គត់ផ្គង់សេវារបស់ក្រុមហ៊ុននេះស្ថិតនៅក្រោមកម្រិតមធ្យម។ដោយសារក្រុមហ៊ុននេះមិនអាចទាក់ទាញអតិថិជនដោយផ្អែកលើសមត្ថភាពរបស់ខ្លួនបានដូច្នេះអ្វីដែលក្រុមហ៊ុននេះអាចធ្វើបានដើម្បីបញ្ចុះបញ្ចូលវិនិយោគិនឲ្យទិញភាគហ៊ុនរបស់ខ្លួនគឺការសន្យាផ្ដល់ការគាំទ្រនិងការពារពីរដ្ឋាភិបាល"។ កាលពីម្សិលមិញលោកឡាវសារឿនអគ្គនាយករបស់TC បានអះអាងយ៉ាងមុតមាំថាការលើកឡើងពីប្រភពទាំងនោះជាករមិនពិតឡើយ។លោកបានអះអាងថាគម្រោងផ្គត់ផ្គង់អ៊ីនធឺណិតនេះគឺដើម្បីរៀបចំប្រព័ន្ធអនាធិបតេយ្យដែលពិបាកគ្រប់គ្រងឲ្យមានស្ថិរភាពប៉ុណ្ណោះ។លោកបានធានាចំពោះមុខភ្នំពេញប៉ុស្តិ៍ថា TC មានស្ថានភាពហិរញ្ញវត្ថុគ្រប់គ្រាន់សម្រាប់ចូលរួមនៅក្នុងផ្សារហ៊ុនកម្ពុជា។ យោងតាមការលើកឡើងរបស់លោកឈុនសម្បត្តិប្រធាននាយកដ្ឋានបោះពុម្ពមូលបត្រកម្ពុជា (SECC) កាលពីខែធ្នូដំណាច់ឆ្នាំមុខក្រុមហ៊ុននេះត្រូវការដើមទុនគិតបំផុត១០ពាន់លានរៀល(២,៤៤លានដុល្លារអាមេរិក)ប្រាក់ចំណេញសុទ្ធអប្បបរមាតិចបំផុត១,៥ពាន់លានរៀល(365 853 ដុល្លារអាមេរិក)សម្រាប់រយៈពេលបីឆ្នាំចុងក្រោយដើម្បីចូលរួមនៅក្នុងផ្សារហ៊ុន។ យោងតាមរបាយការណ៍របស់TC ប្រាក់ចំណូលរបស់ក្រុមហ៊ុននេះបានធ្លាក់ចុះ១០ភាគរយមកនៅត្រឹម២៧លានដុល្លារអាមេរិក។កាលពីឆ្នាំមុន TC អាចរកប្រាក់ចំណេញបានចំនួន៦លានដុល្លារអាមេរិកតិចជាងកាលពីឆ្នាំ២០០៨១លានដុល្លារអាមេរិក។ លោកឡាវសារឿនបានបញ្ជាក់ថាប្រាក់ចំណូលធ្លាក់ចុះដោយសារមានការប្រកួតប្រជែងកាន់តែច្រើននៅលើទីផ្សារទូរស័ព្ទទៅក្រៅប្រទេសក៏ធ្លាក់ចុះដែរ។លោកបានព្យាករថាប្រាក់ចំណូលរបស់ក្រុមហ៊ុននឹងកើនឡើងរហូតដល់៣០លានដុល្លារអាមេរិកវិញនៅឆ្នាំនេះ។លោកបានរៀបចំថាការប្រកួតប្រជែងនៅលើទីផ្សារមានសភាពតានតឹងខ្លាំងណាស់។ទោះបីជាយ៉ាងណាលោកបានបញ្ជាក់ថា TC មិនមានជំពាក់បំណុលអ្នកណាឡើយ។ នៅពេលសួរទាក់ទងនឹងការអះអាងនោះលោកអគ្គនាយករបស់TCបានលើកឡើងថា៖"វាជារឿងមិនត្រឹមឡើយ។យើងសង្ឃឹមថាយើងនឹងទទួលបានប្រាក់ចំណូលតិចតួចពីគម្រោងផ្គត់ផ្គង់អ៊ីនធឺណិតនេះ។ប្រាក់ចំណូលនោះគឺប្រហែលពី៣ម៉ឺនទៅ៥ម៉ឺនដុល្លារអាមេរិកក្នុងមួយឆ្នាំ។ប្រាក់នេះមិនអាចបង្កើនចំណូលរបស់TC ដើម្បីទទួលបានតម្លៃកាន់តែច្រើនក្នុងការចូលរួមនៅក្នុងផ្សារហ៊ុនកម្ពុជាបានឡើយ។យើងបង្កើតគម្រោងនេះគឺដើម្បីគ្រប់គ្រងបណ្ដាញអ៊ីនធឺណិតប៉ុណ្ណោះ"។ លោកបានបញ្ជាក់ថាក្រុមហ៊ុនរបស់លោកនឹងគិតតម្លៃថោកបំផុតចំពោះក្រុមហ៊ុនផ្គត់ផ្គង់សេវាអ៊ីនធឺណិតសម្រាប់ការចែកចាយអ៊ីនធឺណិតបរទេសដែលបានទិញពីវៀតណាម។ លោកសារឿនបានអះអាងថា៖"យើងនឹងគិតថ្លៃខ្ពស់ជាងតម្លៃដែលយើងបានទិញពីវៀតណាមដើម្បីស្រោចស្រង់ការចំណាយរបស់យើងលើការបំពាក់ឧបករណ៍នឹង ADSL “។ គម្រោងនេះធ្វើឡើងបន្ទាប់ពីក្រុមហ៊ុនទូរគមនាគមន៍បានជួបជាមួយលោកគាតឈន់រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុកាលបីថ្ងៃអង្គារដើម្បីដោះស្រាយការមិនពេញចិត្តជាមួយនឹងគម្រោងរបស់រដ្ឋាភិបាល។ក្រុមហ៊ុនឯកជនជឿជាក់ថាបញ្ហានេះអាចធ្វើឲ្យប៉ះពាល់ដល់ឧស្សាហកម្មទូរគមនាគមន៍នៅកម្ពុជា។លោករដ្ឋមន្ត្រីបានបញ្ជាក់ឲ្យក្រសួងប្រៃសណីយ៍និងទូរគមនាគមន៍ដោះស្រាយបញ្ហានេះជាបន្ទាន់មុនពេលជួបប្រជុំជាមួយលោកនាយករដ្ឋមន្ត្រីហ៊ុនសែននៅខែក្រោយ៕
(ដកស្រងចេញពីភ្នំពេញប៉ុស្តិ៍)

ជ្រើសរើសកម្រិតសំខាន់នៃសារៈប្រយោជន៍របស់អត្ថបទពីកម្រិតទាបបំផុតលេខ១ រហូតដល់កម្រិតខ្ពស់បំផុតលេខ៥

កម្រិតសំខាន់នៃអត្ថបទ៖

១ ២៣ ៤ ៥

ការយល់ឃើញ និងមតិរិៈគន់ដើម្បីស្ថាបនាលើអត្ថបទមួយនេះ

ការយល់ឃើញ & មតិរិៈគន់ដើម្បីស្ថាបនា៖

ដោយ៖ cheyreamea7@gmail.com :: ចុះថ្ងៃទីខែឆ្នាំ៖ 3/27/2010 3:22:31 AM
ខ្ញុំសង្ឈឺមថា ព័តីមាន និង ការបកប្រែរ ខាងលើ នេះមិនខុស។ ខ្ញុំ សូមអោយ ប្រជាពលរដ្ធកម្ពុជាទទួលបាននូវព័តីមានពិតៗ និង ល្អៗ មិនក្លែងក្លាយ ដើម្បី អោយពួកគាត់គិតក្នុងផ្លូវត្រូវ។

ដោយ៖ cheyreamea7@gmail.com :: ចុះថ្ងៃទីខែឆ្នាំ៖ 3/27/2010 3:23:10 AM
ខ្ញុំសង្ឈឺមថា ព័តីមាន និង ការបកប្រែរ ខាងលើ នេះមិនខុស។ ខ្ញុំ សូមអោយ ប្រជាពលរដ្ធកម្ពុជាទទួលបាននូវព័តីមានពិតៗ និង ល្អៗ មិនក្លែងក្លាយ ដើម្បី អោយពួកគាត់គិតក្នុងផ្លូវត្រូវ។

សូមបញ្ចេញយោបល់យល់ឃើញរបស់អ្នកស្ដីពីអត្ថបទនេះ

អាសយដ្ឋានអ៊ីម៉ែល៖

បញ្ជាក់៖ អាសយដ្ឋានអ៊ីម៉ែលរបស់អ្នកមិនត្រូវបានបង្ញាញនៅទំព័រនេះទេ តែវាបង្ហាញ ‹ឈ្មោះបង្ហាញនៅលើវ៉ិបសាយ›
គឺឈ្មោះដែលលោកអ្នកបានចុះឈ្មោះជាសមាជិក។ *** ចាំបាច់ត្រូវតែបំពេញអាសយដ្ឋានអ៊ីម៉ែល ***

យោបល់របស់អ្នកចំពោះអត្ថបទ៖