Computer Magazine : CM.COM.KH

មជ្ឈមណ្ឌលបណ្តុះបណ្តាលវិទ្យាសាស្រ្តកុំព្យូទ័រ (CM Training Center) ជាមជ្ឈមណ្ឌលបណ្តុះបណ្តាលលើផែ្នកជំនាញ IT តែមួយគត់ប្រកបដោយគុណភាពខ្ពស់។ ជាពិសេសសិស្សដែលបានបពា្ចប់ការសិក្សានៅមជ្ឈមណ្ឌល CM នឹងបានទទួលការងារផែ្នក IT នៅក្នុងក្រុមហ៊ុន PERFEXCOM GROUP និងក្រុមហុ៑នជាច្រើនដែលជាដៃគូរ របស់ក្រុមហ៊ុន PERFEXCOM GROUP ។

ទំព័រដើម ព័ត៌មាន ផលិតផល កម្មវិធីអនុវត្តន៍ ទាញយកឯកសារ ដំណោះស្រាយ ការគ្រប់គ្រង-គន្លឹះខ្លីៗ អ៊ីនធឺណេត-ប្រព័ន្ធបណ្ដាញ ការកំសាន្ត សំនួរ-ចម្លើយ

អ៊ិនធឺណេត និង ប្រព័ន្ធបណ្តាញ

កម្មវិធីអនុវត្តន៏ផ្សេងៗ

ទំព័រដើម >> អ៊ិនធឺណេត-ប្រព័ន្ធបណ្តាញ >> គន្លឹះអ៊ិនធឺណេត-ប្រព័ន្ធបណ្តាញ >>ដោះស្រាយបញ្ហា Windows 7 ជាមួយ Toolsមានស្រាប់របស់ Microsoft

ដោះស្រាយបញ្ហា Windows 7 ជាមួយ Toolsមានស្រាប់របស់ Microsoft

នេះជាដំណឹងល្អ គឺ Windows 7 បានផ្ដល់នូវឧបករណ៍ល្អៗសម្រាប់ដោះស្រាយបញ្ហាដែលអ្នកនឹងជួបប្រទះពេលកំពុងប្រើប្រាស់។ ជាមួយនឹងកុំព្យូទ័រទំនើបៗរាល់បញ្ហាដែលអ្នកជួបភាគច្រើនគឺជាបញ្ហារបស់ប្រព័ន្ធប្រតិបត្តិការ។ ទោះជាយ៉ាងណាក៏ដោយវីនដូក៏អាចជួយអ្នកយ៉ាងហោចណាស់ដោះស្រាយបញ្ហារបស់ផ្នែករឹងគឺបញ្ហាមេម៉ូរី វីនដូ ៧មានមកជាមួយកម្មវិធីត្រួតពិនិត្យមេម៉ូរី ដ៏គួរឲ្យភ្ញាក់ផ្អើលមួយ នៅក្នុងឌីវីឌីដំឡើងវីនដូ។ អ្នកអាចប្រើកម្មវិធីនេះតាមការ Boot ពីឌីវីឌីដំឡើង ឬអ្នកអាចប្រើពាក្យបញ្ជា "mdsched.exe” ក្នុង Run របស់វីនដូ កម្មវិធីនេះអាចប្រាប់អ្នកថាម៉ាស៊ីនកំពុងមានបញ្ហាជាមួយមេម៉ូរី។
នៅដែលអ្នកដំណើរការវីនដូ បញ្ហាអ្នកជួបប្រទះជាទូទៅត្រូវបានចែកជាផ្នែកដូចខាងក្រោម៖
- បញ្ហាផ្នែករឹង (មិនមែនបញ្ហា Driver ទេ) ឧទាហរណ៍ដូចជាការឡើងកម្ដៅខ្លាំង ឬបញ្ហាដាច់ភ្លើងញឹកញាប់ដែលអាចប៉ះពាល់ដល់ Power Supply។
- បញ្ហាកម្មវិធី ដូចជាបញ្ហាចំណុចប្រទាក់អ្នកប្រើ (User Interface) កង្វះមេម៉ូរី។
- បញ្ហាផ្សេងៗរបស់ Driver ដូចជាបញ្ហា Driver ក្រាហ្វិក Driver សំឡេង ឬ Driver Network cardជាដើម។
- បញ្ហាវីនដូខ្លួនឯងផ្ទាល់តែម្ដង គឺតែងកើតមានបញ្ហាម្ដងម្កាល។
- បញ្ហាភាពមិនស៊ីចង្វាក់គ្នា ដូចជាបញ្ហាដំឡើង ឬលុបកម្មវិធីចេញញឹកញាប់ ដែលបន្សល់នូវឯកសារ DLLs ធាតុ Registry សំណល់ Driver ការលុបកម្មវិធីមិនសម្រេច ដែលទាំងនេះអាចបណ្ដាលឲ្យវីនដូមានបញ្ហានិងដំណើរការយ៉ាប់យ៉ឺនមិនដូចកាលពីដំឡើងវីនដូដំបូងឡើយ។
ជាមួយនឹងការគិតបញ្ហាទាំងនេះ ចូរមើលឧបករណ៍ខ្លះៗដែលមានមកស្រាប់ជាមួយវីនដូ ៧ ដែលអាចជួយក្នុងការស្វែងរកបញ្ហាដែលបានរៀបរាប់ខាងលើ ។
កម្មវិធី Windows Action Center
សម្មតថាអ្នកបានដំឡើងវីនដូដែលពេលនេះកំពុងដំណើរការ កន្លែងដែលអ្នកចាប់ផ្ដើមស្វែងរកដំណោះស្រាយនោះគឺ Windows Action Center ។ អ្នកនឹងជួបប្រទះជាលើកដំបូងនៃ Windows Action Center ដែលមានរូបតំណាងជាទង់បង្ហាញនៅលើ System Tray។

អ្នកគ្រាន់តែចុចលើរូបតំណាងទង់ បន្ទាប់មកចុចលើ Open Action Center វានឹងបង្ហាញដូចផ្ទាំងខាងក្រោម ៖

ចំណុចសំខាន់ដែលអ្នកចង់រុករកគឺនៅក្រោម Maintenance ចូរអានសារដែលបង្ហាញក្នុងតំបន់នេះតើមានបញ្ហាអ្វីកើតឡើងដែរឬទេ? Action Center គឺមានសារប្រយោជន៍ ប៉ុន្តែជួនកាលវាពោរពេញទៅដោយការច្រំដែល។ រូបតំណាងទង់នឹងបង្ហាញឡើងជាសញ្ញាសួ ពេលដែលវីនដូចង់ត្រួតពិនិត្យដើម្បីធ្វើការ Update ប្រសិនបើអ្នកមិនបាន Backed up ប្រព័ន្ធទេ គឺវាមានប្រយោជន៍សម្រាប់តែអ្នកប្រើសាមញ្ញប៉ុណ្ណោះ តែវាគ្មានប្រយោជន៍សម្រាប់អ្នកប្រើជាន់ខ្ពស់ឡើយ។ អ្នកអាចធ្វើឲ្យ Action Center បង្ហាញឡើងតែសារណាដែលអ្នកគិតថាសំខាន់។

Action Center អាចធ្វើឲ្យអ្នកចាប់ផ្ដើម ជាពិសេសជាមួយនឹងបញ្ហារបស់ Driver ឬកម្មវិធី ប៉ុន្តែវាតម្រូវឲ្យអ្នកធ្វើការរុករកស្វែងយល់ឲ្យជ្រៅបន្តិច។
ត្រួតពិនិត្យរកដំណោះស្រាយផ្សេងៗ (Check for Solutions)
ប្រសិនបើ Action Center ធ្វើការបង្ហាញជាមួយនឹងសារថាវាបានរកឃើញបញ្ហា ចូរចុចលើបញ្ហានោះ បន្ទាប់មកវានឹងបង្ហាញផ្ទាំងដំណោះស្រាយឲ្យយើងតែម្ដង។ ប្រសិនបើចាំបាច់អ្នកអាចឲ្យវីនដូធ្វើការសាកល្បងស្វែងរកបញ្ហា ហើយធ្វើការជួសជុលបញ្ហានោះ។ ដើម្បីប្រើឧបករណ៍ Check for Solutions នេះបានកុំព្យូទ័រអ្នកត្រូវតែភ្ជាប់ទៅអ៊ីនធឺណិត ។
វីនដូនឹងសាកល្បងត្រួតពិនិត្យរកដំណោះស្រាយសម្រាប់គ្រប់បញ្ហាដែលមាន។ ប្រសិនបើអ្នកក្រឡេកមើល ផ្ទាំងCheck for Solutions វាហាក់បីដូចជាសាំញ៉ាំបន្តិច។
លើកដំបូងមើលទៅដូចជាមានបញ្ហាជាច្រើន តើវីនដូ ៧មិនមានស្ថិរភាពទេឬ? ការពិតបញ្ហាទាំងនេះនឹងត្រូវបានផ្ដល់ជារបាយការណ៍ក្នុងរយៈពេលដ៏ខ្លីបន្ទាប់ពីយើងដំឡើងវីនដូ ៧ ហើយនឹងកម្មវិធីទាក់ទងផ្សេងៗទៀត។
ការត្រួតពិនិត្យប្រកបដោយភាពជឿជាក់ (Reliability Monitor)
ជម្រើសដែលមានមួយទៀតនៅក្នុងក្រោមផ្ទាំង Manitenance នៃ Action Center គឺអត្ថបទតំណភ្ជាប់ "View Reliability History” ។ វានឹងបង្ហាញអេក្រង់ដែលអនុញ្ញាតឲ្យអ្នកកត់ចំណាំបញ្ហាប្រព័ន្ធដែលកើតឡើង និងកើតឡើងម្ដងម្កាល។

នៅពេលដែលការត្រួតពិនិត្យរកដំណោះស្រាយត្រូវបានបង្កើនសមត្ថភាពពីមួយពេលទៅមួយពេល ក៏វានៅមិនទាន់ល្អប្រសើរនៅឡើយ។ អ្នកត្រូវការពេលច្រើននៅពេលអ្នកចង់ Update Driver ថ្មីៗដោយដៃ។ ការត្រួតពិនិត្យប្រកបដោយភាពជឿជាក់មិនបានចង្អុលបង្ហាញអំពីទិសដៅ ប៉ុន្តែវារុករកមើលពីបញ្ហាប្រព័ន្ធពីមួយពេលទៅមួយពេល ហើយអនុញ្ញាតឲ្យធ្វើការកែខៃថែមថយទិសដៅដោយខ្លួនអ្នកផ្ទាល់។ ដំណោះស្រាយដែលត្រូវគ្នា (Compatibility Troubleshooter) ផ្នែកមួយនៃប្រភពចម្បងរបស់បញ្ហាជាមួយប្រព័ន្ធប្រតិបត្តិការដែលចេញថ្មីៗគឺភាពឆបគ្នាជាមួយកម្មវិធីដែលមានស្រាប់។ បញ្ហា គឺមិនមែនគ្រប់កម្មវិធីដែលបង្កើតឡើងសម្រាប់ជំនាន់វីនដូចាស់ៗ នឹងដំណើរការលើវីនដូជំនាន់ថ្មីឡើយ។ Compatibility Troubleshooter នឹងជួយអ្នកធ្វើការកំណត់ថាតើកម្មវិធីណាមួយដែលអាចដំណើរការលើវីនដូ ៧ ទោះបីវាត្រូវការ Tweak ឬវាអាចដំណើរការតែម្ដងបាន។ ទោះជាយ៉ាងណាក៏ដោយវាមិនមែនជា user-friendly tool ឡើយ។ អ្នកអាចចូលទៅកាន់ Compatibility Troubleshooter ពីក្នុង Windows Action Center ដោយចុចលើតំណភ្ជាប់ Troubleshooting ដែលស្ថិតនៅខាងក្រោមនៃផ្ទាំង ។ វានឹងនាំអ្នកទៅកាន់ផ្ទាំង control panel នៃ Troubleshooting ។ ផ្នែកខាងលើគឺ "Programs: Run programs made for earlier versions of Windows” ។ នៅពេលអ្នកដំណើរការកម្មវិធីនេះ អ្នកនឹងទទួលបានបញ្ជីនៃកម្មវិធីដែលបានដំឡើងនៅក្នុងប្រព័ន្ធដំណើរការរបស់អ្នក។ តាមការគិត Troubleshooter គឺមិនប្រសើរប៉ុន្មានទេ ឧទាហរណ៍វាបានកំណត់ Steam ជាកម្មវិធីមួយដែលគួរតែដំណើរការក្នុងវីនដូវីស្តា ប៉ុន្តែសារដែលបង្ហាញឡើងមិនបានប្រាប់អ្វីពិតប្រាកដថាភាពឆបគ្នារបស់ Steam ជាប្រការមិនល្អ ដូច្នេះអ្នកអាចកំណត់វាដោយដៃឲ្យដំណើរការធម្មតា។ ពិតហើយមធ្យោបាយដែលល្អក្នុងការដំណើរការ Troubleshooter គឺរៀងរាល់ពេលអ្នកដំឡើងកម្មវិធី យ៉ាងហោចណាស់កម្មវិធីណាមួយដែលមិនបានបង្កើតសម្រាប់វីនដូ ៧ ។ ហើយអ្នកក៏អាចចុចកណ្ដុរស្ដាំលើកម្មវិធីមដំណើរការទាំងឡាយ ហើយធ្វើការផ្លាស់ប្ដូរការកំណត់ភាពឆបគ្នាដោយដៃ ។ ក៏ប៉ុន្តែកម្មវិធី Troubleshooter បានធ្វើការងារយ៉ាងប្រសើរហើយជាមួយនឹងការកំណត់ដោយស្វ័យប្រវត្តិនូវ Mode នៃភាពឆបគ្នា។
ឧបករណ៍ផ្សេងៗទៀត៖ ត្រួតពិនិត្យធនធាន(Resource Monitor), គ្រប់គ្រងកុំព្យូទ័រ(Computer Management) និងព័ត៌មានពីប្រព័ន្ធ (System Info)
Windows Resource Monitor គឺជាកម្មវិធីដ៏មានសារប្រយោជន៍សម្រាប់ត្រួតពិនិត្យលើគ្រប់ធានធានដែលប្រើនៅក្នុងវីនដូ ។ ប៉ុន្តែជាការពិតវាមិនមានសារប្រយោជន៍ដូចដែលវាដំណើរការនៅក្នុងវីនដូ XP ទេ ដែលអ្នកប្រើជាន់ខ្ពស់ងាយស្រួលប្រើអស់លទ្ធភាពក្នុងការដោះស្រាយបញ្ហាប្រព័ន្ធ។ វាអាចជួយអ្នកធ្វើការពិនិត្យការប្រើប្រាស់ធនធានប្រព័ន្ធទាំងមូល ឧទាហរណ៍ ការបន្ថែមមេម៉ូរីអាចជាការប្រសើរមួយ។
កាន់តែមានសារប្រយោជន៍នោះទៀតគឺ Computer Management Console អ្នកអាចដំណើរការកម្មវិធីនេះបានដោយវាយពាក្យបញ្ជា "compmgmt.msc” ក្នុង Run របស់វីនដូ។

ក្នុងផ្ទាំងរបស់ Computer Management មានឧបករណ៍មានសារប្រយោជន៍ជាច្រើន។ ដំបូងគឺ System Diagnostics ដែលស្ថិតនៅក្នុង Performance => System => System Diagnostics។ វាមានទិន្នន័យដែលមានតម្លៃគួររុករក ហើយភាគច្រើននៃទិន្នន័យទាំងនោះ ទោះបីជាមានបង្ហាញទង់មានបញ្ហា មិនប្រាកដថាមានប្រយោជន៍ទាំងអស់នោះទេ ប៉ុន្តែអ្នកអាចធ្វើវាម្ដងម្កាលដើម្បីស្វែងរកព័ត៌មានដែលនាំឲ្យអ្នកអាចរកឃើញដំណោះស្រាយបញ្ហា។
បន្ទាប់មកគឺ Services ដែលស្ថិតនៅក្នុង Services and Applications => Services និងបង្ហាញអ្នកនូវបញ្ជីសេវាដែលកំពុងតែដំណើរការ ឬគ្មានសកម្មភាព។
ឯ System Information គឺជាឧបករណ៍ដែលមានសារប្រយោជន៍មួយផ្សេងទៀត និងអាចដំណើរការវាបានដោយវាយបញ្ចូលពាក្យបញ្ជា "msinfo32.exe” ក្នុង Run របស់វីនដូ ។ អ្វីដែលមានសារប្រយោជន៍ជាងគេគឺបញ្ជីបង្ហាញពីបញ្ហារបស់ឧបករណ៍ផ្នែករឹង។ ឧទាហរណ៍អ្នកបានចម្លងបន្ថែមនូវការដំឡើងម៉ាស៊ីនបោះពុម្ព តែវាមិនដំណើរការ ដូច្នេះអ្នកត្រូវតែលុបវាចេញ ។ នេះជាប្រយោជន៍មួយ ជាជាងការពិនិត្យដោយយកចិត្តទុកដាក់ក្នុងបញ្ជី Device Manager ។ ទាំងនេះជាមធ្យោបាយទូលំទូលាយនៃបញ្ជីដោះស្រាយបញ្ហាប្រព័ន្ធក្នុង វីនដូ ៧ ។ យើងមិនទាន់បានប៉ះពាល់លើ Performance monitor, Event viewer ឬ Microsoft Office Diagnostics ផង ហើយទាំងអស់នេះអាចមានប្រយោជន៍គឺផ្នែកទៅលើថាតើអ្នកបានរុករកស្វែងយល់អំពីវាបានជ្រៅកម្រិតណា ហើយបញ្ហាអ្វីខ្លះដែលអ្នកបានកំពុងជួបប្រទះ ។
ការយល់អំពីថាតើឧបករណ៍ណាមួយអាចប្រើបាន គឺពិតជាអាចជួយអ្នកដោះស្រាយបញ្ហាដែលអ្នកបានជួបប្រទះក្នុងការប្រើប្រាស់ វីនដូ ៧ ។ ដូច្នេះមុនអ្នកសម្រេចចិត្ត សួរអ្នកគាំទ្របច្ចេកទេស (Tech Support) អ្នកគួរសាកល្បងប្រើកម្មវិធីមានស្រាប់មកជាមួយវីនដូ ៧ ដែលបានរៀបរាប់ខាងលើជាមុនសិន គឺវាអាចជួយសន្សំសំចៃទាំងថវិកា និងពេលវេលារបស់អ្នក ថែមទាំងផ្ដល់នូវភាពជឿជាក់និងការសប្បាយចិត្តដែលអ្នកអាចដោះស្រាយបញ្ហាបានដោយខ្លួនឯង ។

ជ្រើសរើសកម្រិតសំខាន់នៃសារៈប្រយោជន៍របស់អត្ថបទពីកម្រិតទាបបំផុតលេខ១ រហូតដល់កម្រិតខ្ពស់បំផុតលេខ៥

កម្រិតសំខាន់នៃអត្ថបទ៖

១ ២៣ ៤ ៥

ការយល់ឃើញ និងមតិរិៈគន់ដើម្បីស្ថាបនាលើអត្ថបទមួយនេះ

ការយល់ឃើញ & មតិរិៈគន់ដើម្បីស្ថាបនា៖

ដោយ៖ តេងភាព :: ចុះថ្ងៃទីខែឆ្នាំ៖ 3/12/2010 3:31:22 AM
heanhak2007@yahoo.com

សូមបញ្ចេញយោបល់យល់ឃើញរបស់អ្នកស្ដីពីអត្ថបទនេះ

អាសយដ្ឋានអ៊ីម៉ែល៖

បញ្ជាក់៖ អាសយដ្ឋានអ៊ីម៉ែលរបស់អ្នកមិនត្រូវបានបង្ញាញនៅទំព័រនេះទេ តែវាបង្ហាញ ‹ឈ្មោះបង្ហាញនៅលើវ៉ិបសាយ›
គឺឈ្មោះដែលលោកអ្នកបានចុះឈ្មោះជាសមាជិក។ *** ចាំបាច់ត្រូវតែបំពេញអាសយដ្ឋានអ៊ីម៉ែល ***

យោបល់របស់អ្នកចំពោះអត្ថបទ៖