បន្ថែមមុខងារ Translate ក្នុងកម្មវិធី Microsoft Word 2010
ការប្រើប្រាស់កម្មវិធី Microsoft Word 2010 គឺពិតជាផ្ដល់មុខងារជាច្រើនដល់អ្នកប្រើជាពិសេសមុខងារបកប្រែភាសាផ្សេងៗ។ តែបើយើងក្រឡេកមើលរវាង Microsoft Word 2007 គឺអាចឱ្យអ្នកប្រើអាចប្រើមុខងារ Translate បានដោយឥតគិតថ្លៃតែចំពោះ Word 2010 វិញវាទាមទារឱ្យយើងចំណាយចំពោះសេវាកម្មដើម្បីបកប្រែឬត្រូវត្រូវចូលទៅបើកនៅក្នុង Browser ដោយមានលក្ខណស្មុគស្មាញបន្តិចនិងត្រូវចំណាយពេលវេលាមួយចំនួន។ដូច្នេះតើយើងត្រូវធ្វើយ៉ាងណាដើម្បីបន្ថែមមុខងារបកប្រែភាសានេះបានដោយឥតគិតថ្លៃនិងងាយស្រួល?
ជាការពិតណាស់ដើម្បីបន្ថែមមុខងារបកប្រែនៅក្នុង Microsoft Word 2010 អ្នកត្រូវអនុវត្តតាមជំហានដូចខាងក្រោម៖
១. ដំបូងអ្នកត្រូវចូលទៅបើកកម្មវិធី Microsoft Word 2010 បន្ទាប់មកអ្នកត្រូវចុចលើ Review Tab
២. បន្ទាប់ពីអ្នកចុចលើ Review រួចហើយអ្នកត្រូវចុចលើ Research options… ដើម្បីបើកចូលទៅកែតម្រូវ។
៣. នៅពេលនោះវានឹងចេញផ្ទាំង Research Option មួយមក ហើយអ្នកត្រូវចុចជ្រើសរើសយក Add Service រួចចុច OK។
៤. បន្ទាប់មកអ្នកត្រូវវាយ Address នេះhttp://www.windowslivetranslator.com/officetrans/register.asmxនៅក្នុងប្រអប់ Address រួចបន្ទាប់មកអ្នកត្រូវចុច Add។
៥. វានឹងចេញផ្ទាំង Getting Service Information មួយឱ្យអ្នក ដូចនេះអ្នកត្រូវរង់ចាំឱ្យវាដំណើរការចប់។ ចំណាំ៖ ក្នុងជំហាននេះកុំព្យូទ័ររបស់អ្នកត្រូវភ្ជាប់អ៊ីនធឺណិតជាមុនសិន។
៦. នៅពេលនោះវានឹងចេញផ្ទាំង Microsoft Translator Setup មក។ ពេលនេះអ្នកត្រូវចុច Continue។
៧. បន្ទាប់មកទៀតអ្នកត្រូវចុចលើ Install ដើម្បីដំឡើងភាសាដែលត្រូវប្រើសម្រាប់បកប្រែ នៅពេលដែលអ្នកចុចរួចអ្នកចុច OK ពីរដងដើម្បីបិទផ្ទាំងទាំងនោះ។
៨. ឥឡូវនេះអ្នកបានរៀបចំវារួចហើយ ដូចនេះអ្នកអាចចុចលើអត្ថបទណាមួយដែលអ្នកចង់បកប្រែរួចហើយអ្នកត្រូវយក Cursor ដាក់លើ All Reference Books ដើម្បីផ្លាស់ប្ដូរវាទៅជា Translation ។
៩. អ្នកក៏អាចវាយពាក្យដែលអ្នកចង់បកប្រែបានដែរ ដោយវាយពាក្យនោះនៅក្នុងប្រអប់Search for បន្ទាប់មកអ្នកអាចជ្រើសរើសការបកប្រែពីភាសាណាមួយទៅភាសាណាមួយក៏បានដោយចុចលើ From និង To រួចចុច Enter ។
១០. នៅទីបញ្ចប់អ្នកអាចប្រើមុខងារបកប្រែនេះនៅក្នុងកម្មវិធី Microsoft Word 2010 បានយ៉ាងងាយស្រួល។ បញ្ជាក់៖ ការអនុវត្តមុខងារខាងលើតម្រូវឱ្យកុំព្យូទ័ររបស់អ្នកភ្ជាប់អ៊ីនធឺណិតសិនទើបអាចអនុវត្តបាន៕
