Mozilla Firefox មានគម្រោងបើកដំណើរការនូវកម្មវិធីស្រាវជ្រាវអ៊ីនធឺណិតជាភាសាខ្មែរ
Mozilla Firefox ជាកម្មវិធីស្រាវជ្រាវអ៊ីនធឺណិតមួយក្នុងចំណោមកម្មវិធីល្បីផ្សេងៗទៀត គឺត្រូវបានគេរំពឹងទុកថានឹងដាក់ដំណើរការជាភាសាខ្មែរនៅក្នុងពាក់កណ្ដាលខែមិនាឆ្នាំនេះ ដើម្បីឱ្យសិស្សនិស្សិតក៏ដូចជាប្រជាជនកម្ពុជាមានឱកាសប្រើប្រាស់កម្មវិធីស្រាវជ្រាវអ៊ីនធឺណិតជាភាសាជាតិដោយងាយស្រួល។
អ្នកបង្កើតគេហទំព័រនៅឯ Open Institute និងអ្នកធ្វើការស្ម័គ្រចិត្តនៅ Mozilla Firefox លោកអេងវណ្ណៈបាននិយាយថាកម្មវិធីស្រាវជ្រាវអ៊ីនធឺណិតជាភាសាខ្មែរនឹងជួយសម្រួលដំណើរការការងាររបស់បុគ្គលិករដ្ឋាភិបាល ពង្រីកចំណេះដឹង និងព្រមទាំងបង្កើតចំនួននៃអ្នកប្រើប្រាស់អ៊ីនធឺណិត។
លោកវណ្ណៈ បានបន្តទៀតថា “មានមន្ត្រីរាជការមួយចំនួន មានចំណេះដឹងភាសាអង់គ្លេសតិចតួច ឬមិនចេះសោះដូច្នេះ វាជាការលំបាកសម្រាប់ពួកគេក្នុងការប្រើប្រាស់កុំព្យូទ័រ និងអ៊ីនធឺណិតសម្រាប់ធ្វើការ។កម្មវិធីថ្មីមួយនេះផ្ដល់ប្រយោជន៍ច្រើន ដែលវាធ្វើឱ្យមានភាពងាយស្រួលសម្រាប់ពួកគេក្នុងការប្រើប្រាស់អ៊ីនធឺណិត”។
លោកសុខថា ប្រធានបច្ចេកទេសរបស់ក្រសួងអប់រំ បាននិយាយថា”ក្រសួងធ្លាប់ធ្វើការ Open Institute ដើម្បីធ្វើការផ្សព្វផ្សាយទៅលើការប្រើប្រាស់កម្មវិធីនេះជាភាសាខ្មែរ។លោកមានការជឿជាក់ថាវានឹងធ្វើឱ្យសិស្សមួយចំនួន ដែលមានចំណេះដឹងភាសាអង់គ្លេសតិចតួច អាចមានសមត្ថភាពប្រើប្រាស់អ៊ីនធឺណិតបាន”។
លោកសុខថា បានបន្ថែមទៀតថា “ប្រសិនបើយើងមានកុំព្យូទ័រជាភាសាជាតិយើងអាចប្រើប្រាស់វាបានល្អជាងភាសាអង់គ្លេស ពីព្រោះតែយើងអាចយល់ពីបញ្ជា និងការណែនាំបានយ៉ាងល្អ” ដោយបន្ថែមថា ក្រសួងអប់រំមានកញ្ចប់ថវិកាខ្លះសម្រាប់ បង្វឹក អប់រំ សិស្សនិងបុគ្គលិករដ្ឋបាល ក្នុងការប្រើប្រាស់កុំព្យូទ័រជាភាសាខ្មែរ។
លោកជ័យសុភាត និស្សិតឆ្នាំទី៤ផ្នែកព័ត៌មានវិទ្យា (IT) នៅមហាវិទ្យាល័យមានជ័យនៅក្នុងខេត្តបន្ទាយមានជ័យ ដែលបានចូលរួមក្នុងសិក្ខាសាលាស្ដីពី Firefox មានការជឿជាក់ថា កម្មវិធីនេះ នឹងផ្ដល់ឱ្យយើងនូវអត្ថប្រយោជន៍មួយចំនួនក្នុងការអភិវឌ្ឍន៍លើការសិក្សា និងជាផ្សព្វផ្សាយបន្ថែមទៅការប្រើប្រាស់ជាភាសាខ្មែរផងដែរ។
គាត់មានការជឿជាក់ថា “យើងកំពុងតែធ្វើការប្រណាំងប្រជែង ជាមួយបច្ចេកវិទ្យារបស់ប្រទេសដ៏ទៃ។សិស្សកាន់តែច្រើននឹងប្ដូរទៅប្រើប្រាស់កម្មវិធីស្រាវជ្រាវជាភាសាខ្មែរ ជាពិសេស អ្នកដែលចាប់អារម្មណ៍នឹងបច្ចេកវិទ្យា ពីព្រោះវាមានភាពងាយស្រួលសម្រាប់ពួកគេក្នុងការទទួលយកព័ត៌មានពីអ៊ីនធឺណិត”។
Mozilla Fire បានធ្វើការបង្កើតគេហទំព័រជាភាសាខ្មែរតាំងពីឆ្នាំ២០០៤មកម្ល៉េះ។ក្នុងពេលបច្ចុប្បន្ន Firefox អាចដំណើរបាន៩៣ភាសា និងមានចំនួនអ្នកប្រើប្រាស់ជាង ៥៤០លាននាក់នៅទូទាំងពិភពលោក។
យ៉ាងណាមិញ អ្នកបង្កើន Firefox ក៏ជួបបញ្ហាមួយចំនួនដែរ ដូចជាការបកប្រែទៅលើពាក្យបច្ចេកទេស និងការខ្វះខាតលើផ្នែកធនធានមនុស្សសម្រាប់ធ្វើការលើគម្រោងនេះ។
លោកវណ្ណៈបាននិយាយថា៖វាជាកិច្ចការមួយដ៏លំបាកដើម្បីប្រែពីភាសាអង់គ្លេសទៅជាភាសាខ្មែរពីព្រោះពាក្យខ្លះនៅក្នុងភាសាអង់គ្លេសមានអត្ថន័យច្រើនក្នុងបរិបទទាំងអស់។ ហើយលោកបានបន្តទៀតថា៖”នៅពេលយើងបានកំណត់ចំនួនអ្នកធ្វើការទៅលើគម្រោងមួយហើយនេះជាគម្រោងដ៏ធំមួយហើយនឹងត្រូវការធនធានមនុស្សច្រើនដើម្បីអភិវឌ្ឍន៍លើគម្រោងមួយនេះ។
Mozilla Firefox គឺជា Web browser មួយនាំមុខគេក្នុងសកលលោកក្នុងចំណោម Web browser ទាំងអស់មាន Google Chrome, Internet Explorer, Opera, Safari។
បច្ចុប្បន្ននេះមានប្រជាជនខ្មែរមានកំណើនជាច្រើនបានប្រើប្រាស់បណ្ដាញអ៊ីនធឺណិតជាក់ស្ដែងកាលពីថ្ងៃទី៣១ខែធ្នូឆ្នាំ២០១១ចំនួននៃអ្នកប្រើប្រាស់អ៊ីនធឺណិតនៅកម្ពុជាមានចំនួនកើនឡើងរហូតដល់ ៤៤៩.១៦០ គឺស្មើនឹង៣.១%គឺមានកំណើនយ៉ាងច្រើនពី៧៨០០០ក្នុងឆ្នាំ២០១០។
