កម្មវិធីSkyDrive Metro របស់ Microsoft អាចប្រើលើ Windows 8 បានហើយ
កាលពីថ្ងៃច័ន្ទកន្លងទៅ ក្រុមហ៊ុន Microsoft បានប្រកាសដល់សាធារណជនទាំងអស់ថា កម្មវិធី SkyDrive Metro នឹងអាចប្រើប្រាស់លើ Windows 8 បានហើយ។
អ្នកប្រើប្រាស់ប្រព័ន្ធប្រតិបត្តិការ Windows 8 នឹងអាចរក្សាទុកនូវទិន្នន័យនៅលើគេហទំព័ររបស់ SkyDrive បាន ហើយអាចធ្វើការកំណត់ផ្សេងៗ និង/ឬ អាចចែករំលែកទិន្នន័យទាំងនោះតាមរយៈអ៊ីនធឺណិតបាន។ កម្មវិធីជំនាន់ថ្មីរបស់ SkyDrive នេះនឹងភ្ជាប់ជាមួយនូវសេវាកម្ម Live Mesh របស់ក្រុមហ៊ុន ចូលទៅក្នុងកន្លែងរក្សាទិន្នន័យ និងនៅក្នុងគេហទំព័រផងដែរ។ តាមរយៈប្លុកនៃ Building Windows 8 របស់ Microsoft បានបង្ហាញថាកម្មវិធី SkyDrive Metro នេះនឹងត្រូវបានដាក់ចូលទៅក្នុង Windows Explorer នៅលើDesktop នៃWindows 8 តែម្ដង ហើយវាអាចនាំយកនូវទិន្នន័យចេញពីគេហទំព័រ SkyDrive.com ពីចម្ងាយបាន។ សម្រាប់ទិន្នន័យដែលរក្សាទុកតាមរយៈ Desktop នៃកុំព្យូទ័រគឺអាចមានលទ្ធភាពផ្ទុកបានរហូតដល់ទៅ 2GB ហើយវាផ្ដល់នូវភាពងាយស្រូលក្នុងការ dragនិង drop, upload និង download ជាមួយនឹងទិន្នន័យរបស់អ្នកបាន ហើយជាពិសេសវាផ្ដល់នូវការធ្វើការងារផ្សេងដោយមិនមានអ៊ីនធឺណិត។ កម្មវិធី SkyDrive របស់Microsoft នេះមើលទៅដូចជាបង្កើតឡើងក្នុងគោលបំណងដើម្បីប្រកួតប្រជែងជាមួយ DropBox ព្រមទាំង iCloud របស់ Appleផងដែរ៕
