តើមូលហេតុអ្វីបានជាSamsung មានគម្រោងឈប់ប្រើប្រាស់ LCD?
Liquid Crystal Display ឬហៅកាត់ថា LCDត្រូវបានគេស្គាល់និងប្រើប្រាស់ជុំវិញសាកលលោក ព្រោះវាមានរាងស្ដើងនិងបង្ហាញរូបភាពបានច្បាស់ហើយក៏មានការពេញនិយមប្រើច្រើនផងដែរ។ទាក់ទងនិងគម្រោងថ្មីនេះដែរក៏មានមនុស្សមួយចំនួនមានចម្ងល់ថាតើមានកត្តាអ្វីកើតឡើងបានជាក្រុមហ៊ុនបច្ចេកវិទ្យាមួយនេះមានគម្រោងឈប់ផលិតអេក្រង់ LCD?ហេតុផលនោះគឺថានៅពេលបច្ចុប្បន្ននេះបច្ចេកវិទ្យាចេះតែរីកចំរើនទៅមុខយ៉ាងខ្លាំងដែលធ្វើឱ្យ LCD មិនទាន់សម័យនិងគ្មានលក្ខណៈពិសេសគ្រាន់បើជាងបច្ចេកវិទ្យាសម័យថ្មី។
Samsung ក៏បានបង្ហាញប្រាប់ថានៅឆ្នាំ២០១១ គេបានចំណាយប្រាក់អស់៦៦៨លានដុល្លារទៅលើអេក្រង់ LCD ដែលមិនបានផ្ដល់ផលប្រយោជន៍ដល់ក្រុមហ៊ុនដូច្នេះ Samsung មានគម្រោងឈប់ប្រើប្រាស់ LCD រួចគេនឹងយកវាទៅកែច្នៃក្នុងក្រុមហ៊ុនមួយទៀតដែលមានឈ្មោះថា Samsung Display Co។
Samsung នឹងប្រើប្រាស់ខ្ទង់ចំណាយ ៦៦៨លានដុល្លារដែលបូកចំណាយទាំងការខាតបង់លើ LCD នៅឆ្នាំ ២០១១ គេនឹងបង្កើតក្រុមហ៊ុនថ្មីមួយទៀតដែលមានតួនាទីបម្លែង LCD ទៅជា OLED និងបង្កើតOLED សម្រាប់ផលិតផលរបស់គេ។
ហើយនៅពេលនេះ OLED displays គឺត្រៀមខ្លួនរួចរាល់ក្នុងការបញ្ចូលទៅកាន់ឧបករណ៍ Samsung រួចរាល់ហើយដែរ។ ដំណាលគ្នានេះដែរក៏មានពាក្យចចាមអារ៉ាមពី LG នឹងប្រើប្រាស់ OLED លើ TV របស់ខ្លួនក្នុងពេលឆាប់ៗនេះផងដែរ។
ជាមួយនិងបច្ចេកវិទ្យា OLED វាអាចធ្វើឱ្យផលិតផលដូចជាទូរទស្សន៍ឬទូរស័ព្ទដៃមានកម្រាស់ស្ដើង មានពណ៌ធម្មជាតិច្រើនជាងនិងស្រស់ស្អាតជាង LCDទៅទៀត៕
