Google កំពុងបង្កើតការបញ្ជាដោយប្រើសំឡេងទៅកាន់ Google TV
តាមរបាយការណ៍របស់ Patently Apple ក្នុងការបង្ហាញបច្ចេកវិទ្យាថ្មីរបស់ Google គេបានបង្ហាញពីភាពគួរឱ្យភ្ញាក់ផ្អើលមិនគួរឱ្យជឿមួយដល់មហាជនទូទាំងពិភពលោកគឺបច្ចេកវិទ្យាដែលអាចឱ្យអ្នកប្រើប្រាស់បញ្ជា Google TV របស់ខ្លួនដោយប្រើសំឡេងតាមរយៈ Smartphone។ ដោយការប្រើប្រាស់លក្ខណៈពិសេសរបស់ Smartphone អ្នកប្រើប្រាស់អាចនិយាយបញ្ជាទៅកាន់ TV របស់ខ្លួនបានយ៉ាងងាយស្រួល។ ហើយយើងក៏អាចភ្ជាប់ DVD Player ឬអបករណ៍ផ្សេងទៀតជាមួយវាGoogle Tvផងដែរ។
ជាមួយគ្នានេះដែរវាក៏មានលក្ខណៈពិសេសផ្សេងៗទៀតដែរដែលយើងអាចស្វែងយល់បានពីឯកសាររបស់ Google TV បាន។ ឧទាហរណ៍៖ បើយើងកំណត់ជាមួយមុខងារ GPS លើ Smartphoneយើងអាចបញ្ជា TV Google ក្នុងផ្ទះរបស់យើងចម្ងាយ ¼ mile ហើយវាក៏អាចបើក TV ដោយស្វ័យប្រវត្តិគ្រាន់តែយើងដើរទៅជិតវា TV។ បច្ចេកវិទ្យារបស់ Google ក៏បានផ្ដោតទៅកាន់ការស្ដាប់តន្ត្រីផងដែរពោលវាអនុញ្ញាតឱ្យអ្នកប្រើប្រាស់អាចបញ្ជាដើម្បីបង្កើត Playlist លើ TV ផងដែរ៕
