ហេតុអ្វីសុខៗ Sony Ericsson ប្ដូរឈ្មោះទៅជា Sony វិញ?
យើងបានឭជាយូរណាស់មកហើយថា Sony Ericsson នឹងកាត់បន្ថយឈ្មោះដ៏វែងរបស់ខ្លួនហើយ កាត់យកត្រឹមតែពាក្យថា Sony ប៉ុណ្ណោះជាឈ្មោះផ្លូវការ។តើវាជាការពិតមែនឬទេ?
ឥឡូវនេះការផ្លាស់ប្ដូរឈ្មោះ Sony Ericsson ហើយជំនួសវិញដោយឈ្មោះយ៉ាងខ្លីថា Sony ត្រូវបានដាក់ឱ្យប្រើប្រាស់ជាផ្លូវការហើយដែរ។ ក្រុមហ៊ុន Sony បានផ្ញើសារនេះទៅកាន់អតិថិជនរបស់ខ្លួនដោយប្រាប់ពីការផ្លាស់ប្ដូរឈ្មោះរបស់ផលិតផល។ ការផ្លាស់ប្ដូរនេះបានធ្វើឱ្យអតិថិជនមានការព្រួយបារម្ភពីការធានាលើឧបករណ៍របស់ពួកគេដែលបានប្រើនិងកំពុងតែប្រើប្រាស់ពេលបច្ចុប្បន្ននូវពេញពិភពលោកក្នុងនោះក៏មានប្រទេសកម្ពុជាដែរ។ដូច្នេះអត្ថន័យក្នុងសារនោះក៏បានបញ្ជាក់ប្រាប់ដល់អតិថិជន Sony Ericsson ទាំងអស់ថាគេនូវតែធានាលើការខូចខាតផលិតផលរបស់ខ្លួនទោះបីជាមានការផ្លាស់ប្ដូរឈ្មោះពី Sony Ericson ក៏ដោយតែផលិតផលនៅតែមានការធានាដដែល៕
នាយកទីផ្សារ Sony Ericson លោក Stev Walker ក៏បានបដិសេធពី ការរិះគន់លើពាក្យចចាមអារ៉ាមថា៖ “ការធានារបស់ផលិតផល Sony Ericson នឹងត្រូវបញ្ចប់ ហើយចាប់ផ្ដើមវិញជាមួយផលិតផលថ្មីដែលមានឈ្មោះថា Sony” ជាការមិនពិតទេ។
នេះមានន័យថា Sony អាចនឹងផ្ដោតគោលដៅរបស់ខ្លួនទៅលើទីផ្សារ Smart Phone ម្ដងទៀត ដោយប្រើប្រាស់ កេរ្តិ៍ឈ្មោះរបស់ Sony។ ហើយយើងក៏សង្ឃឹមថា៖ ទូរស័ព្ទដៃ Sony ឬផលិតផលផ្សេងទៀតរបស់ Sony ដូចជា TVs, PC, និង Tablet ជំនាន់ក្រោយនូវតែមានគុណភាពល្អងាយស្រួលប្រើប្រាស់ និងផ្ដល់ផលប្រយោជន៍ច្រើនជាងមុន ៕
