ឆ្នាំ២០១៦ ការប្រើប្រាស់ទូរស័ព្ទមានច្រើនជាងចំនួនមនុស្ស
យោងតាមការស្រាវជ្រាវរបស់ Cisco’s Visual Networking Index Forecast (VNI) ទៅលើចរាចរណ៍បណ្ដាញអ៊ីនធឺណិតទូរស័ព្ទនៅលើពិភពលោកបានឱ្យដឹងថាចំនួនការប្រើប្រាស់អ៊ីនធឺណិត តាមរយៈទូរស័ព្ទនឹងមានការកើនឡើងលើចំនួនមនុស្សនៅក្នុងឆ្នាំ២០១៦។ តាមសេចក្ដីរាយការណ៍របស់ Cisco ដដែលនេះនៅក្នុងឆ្នាំ២០១៦ខាងមុខនឹងមានទូរស័ព្ទច្រើនជាង១០ពាន់លានគ្រឿងតភ្ជាប់បណ្ដាញអ៊ីនធឺណិតដែលចំនួននេះលើសចំនួនប្រជាជនសរុបនៅឆ្នាំ២០១៦មានប្រមាណ៧.៣លាននាក់ប៉ុណ្ណោះ។ លោក Suraj Shetty ជាអនុប្រធានផ្នែកផលិតផលនិងដំណោះស្រាយរបស់ Cisco បាននិយាយថា “នៅត្រឹមឆ្នាំ២០១៦នឹងមានអ្នកប្រើប្រាស់ជាង៦០% គឺស្មើនឹង៣ពាន់លានៃចំនួនប្រជាជននៅលើពិភពលោក”។ ការស្រាវជ្រាវនេះក៏បានបង្ហាញឱ្យឃើញថា ភាគច្រើននៃការតភ្ជាប់ត្រូវបានគេប្រើប្រាស់ទៅលើការផ្សព្វផ្សាយពាណិជ្ជកម្មនិងប្រព័ន្ធជីភីអេស(GPS systems)ដែលការប្រើប្រាស់ដោយមានគណនីមានចំនួន២ពាន់លាននិង ការប្រើប្រាស់ដោយលក្ខណៈឯកជនដោយប្រព័ន្ធឥតខ្សែ(wireless devices)មានរហូតដល់៨ពាន់លាន។ក្នុងនោះដែរមានភាគរយប្រមាណជាង៩០% ត្រូវបានចូលរួមដោយ smart phones, laptops, ឬប្រភេទ tablets៕
