Space Pilot Pro សម្រាប់អ្នកឯកទេស ជាមួយកម្មវិធី 3D
ចំណុចដំបូងដែលគេចាប់អារម្មណ៍បំផុតចំពោះឧបករណ៍ 3D Mouse ម៉ូឌែល Space Pilot Pro នេះ គឺការរចនារូបរាងពោពេញដោយភាពច្នែប្រឌិត និងប្លែកខុសពីគេ។ ប៉ុន្តែ វានៅតែមានមុខងារចម្បងដូចទៅនឹងម៉ូឌែល Space Explorer ដែរ។ ម៉ូឌែល Space Pilot Pro នេះ ត្រូវបានគេបង្កើតឡើងពីជ័រប្លាស្ទិក ហើយមានលក្ខណៈខុសពី Space Explorer ដោយមានរូបរាងមើលទៅរឹងមាំ និងរចនាបានល្អជាង។ ប៊ូតុងរបស់វា ត្រូវបានគេរៀបចំបានយ៉ាងល្អទៅតាមមុខងារសំខាន់ៗនៅក្នុងកម្មវិធី 3D ហើយគេអាចផ្លាស់ប្ដូរមុខងាររបស់ប៊ូតុងទៅតាមតម្រូវការទៀតផង។ ម្យ៉ាងវិញទៀត គម្របខាងលើរបស់វានៅតែមានលក្ខណៈដូចទៅនឹងស៊េរី Space Explorer ប៉ុន្តែ Space Pilot មានកញ្ចក់អេក្រង់ LCD ភ្ជាប់ជាមួយសម្រាប់ពិនិត្យមើលមុខងារផ្សេងៗ ដែលត្រូវកំណត់ ផ្លាស់ប្ដូរ មើល Email និងអាចចាក់មេឌៀ ដោយមានកម្រិតរីសូលូសិនដល់ទៅ 320 x 240 ភីកសែល៕
