SpaceNavigator ឧបករណ៍ 3D Mouse សម្រាប់ Laptop
3D Mouse ម៉ូឌែល SpaceNavigator សម្រាប់កុំព្យូទ័រ NoteBook ត្រូវបានគេប្រើរួមគ្នាជាមួយឧបករណ៍ Mouse ធម្មតា ដោយដៃម្ខាងប្រើ SpaceNavigator សម្រាប់កុំព្យូទ័រយួរដៃដើម្បីកំណត់ទីតាំងគំរូរូប 3D និង បើកបញ្ជាមុខងារសំខាន់ៗនៃកម្មវិធី ចំណែកឯដៃម្ខាងទៀតប្រើ Mouse ធម្មតាក្នុងពេលជាមួយគ្នា ដើម្បីកែគំរូរូប 3D ឬ ជ្រើសរើស Menu។ ការប្រើប្រាស់ Mouse ទាំងពីរជាមួយគ្នា នឹងផ្ដល់នូវអត្ថប្រយោជន៍ ធ្វើឱ្យកិច្ចការប្រព្រឹត្តិទៅបានកាន់តែលឿន ហើយកាត់បន្ថយការចុករោយដៃរបស់អ្នកប្រើប្រាស់។ ដោយគ្រាន់តែ រុញ ទាញ បង្វិល ឬទម្រេតគម្របមូលខាងលើរបស់វា ដើម្បីពង្រីក រំកិល និង បង្វិលគំរូ3D របស់អ្នក ហើយថែមទាំងអាចបន្ថែមសម្ពាធដើម្បីបង្កើនល្បឿន៕
