Space Explorer ផ្ដល់ភាពងាយស្រួល ក្នុងការពិនិត្យមើលគំរូរូបភាព 3D
Space Explorer ជា 3D Mouse លំដាប់ បន្ទាប់ពី Space Navigator ហើយផ្ដល់នូវមុខងារចម្បងដូចទៅនឹងម៉ូឌែលផ្សេងៗទៀតដែរ ប៉ុន្តែវាបានបញ្ចូលនូវប៊ូតុងបន្ថែម និងគម្របអាចបង្វិលបាន។ ដំបូងគេអាចគិតថា គម្របបង្វិលរបស់វាអាចជាមុខងារធម្មតា ដោយសារ Space Nivigator ក៏មានមុខងារនេះ ប៉ុន្តែទោះបីជាយ៉ាងណាក៏ដោយ គេអាចសាកល្បងហើយយល់ឃើញថា ការប្រើគម្របបង្វិលនេះ ជាការបន្ថែមដ៏សំខាន់ដោយអាចជួយកាត់បន្ថយការធ្វើចលនាដៃរបស់អ្នកប្រើប្រាស់បានច្រើន។ ម្យ៉ាងវិញទៀត គ្រាប់ចុចបន្ថែមជាច្រើនទៀតនោះ ក៏ជាការបន្ថែមដ៏ប្រសើរ ដោយមានប៊ូតុងសម្រាប់ប្ដូរមើលគំរូ 3D តាមជ្រុងដែលបានជ្រើសរើសនិងផ្លាស់ប្ដូរទម្រង់ផ្សេងៗ ព្រមទាំងកម្រិត Sensitivity បានលឿន។ ដោយការប្រើប៊ូតុងទាំងនេះ បានជួយសម្រួលដល់ការប្រើប្រាស់ដោយមិនចាំបាច់មាន Keyboard ឡើយ៕
