រូបភាពទូរស័ព្ទដៃLG Optimus 3D 2 នឹងត្រូវដាក់បង្ហាញជាលើកដំបូង MWC
រូបភាពទូរស័ព្ទដៃLG Optimus 3D 2 ត្រូវបានគេផ្សព្វផ្សាយនិងដាក់បង្ហាញនៅក្នុងកិច្ចប្រជុំពិភាក្សាដែលស្ដីពីទូរស័ព្ទចល័តទូទាំងពិភពលោកដែលហៅកាត់ថា MWC (Mobile World Congress)។ ទូរស័ព្ទជំនាន់ថ្មីមួយនេះនឹងមានកម្រាស់ស្ដើងជាងមុននិងមានពន្លឺច្បាស់ជាងទូរស័ព្ទ Optimus 3D ជំនាន់មុនទៅទៀត។
គេបានបញ្ជាក់ទៀតថាកម្រាស់ទូរស័ព្ទដៃ LG Optimus 3D 2 នេះគេបានផ្លាស់ប្ដូរពី 11.9 មិល្លីម៉ែត្រមកត្រឹមតែ 9.8 មិល្លីម៉ែត្រប៉ុណ្ណោះហើយចំពោះទម្ងន់របស់វាវិញត្រូវបានគេកាត់បន្ថយអស់ជាង ២០ ក្រាម។ ក្នុងនោះក៏ពាក្យចចាមអារ៉ាមខ្លះបានលេចឮថាទូរស័ព្ទនេះមាន CPU dual-core 1.2GHzមានកាមេរ៉ា ៥ មេហ្គាភិចសែលនិងមានសមត្ថភាពអាចថតរូប 3D បានថែមទៀតផងហើយអាចផ្ទុកទិន្នន័យបាន 8GB មាន Bluetooth 3.0 និងដំណើរការដោយប្រព័ន្ធ Android 2.3 ។ជាពិសេសវាអាចដំណើរការប្រព័ន្ធអ៊ីនធឺណិតបាននូវ 21Mbps HSPA+Network ។ទូរស័ព្ទដៃLG Optimus 3D 2 នេះត្រូវបានគេសង្ឃឹមទុកថានឹងដំណើរការនៅដើមឆ្នាំ ២០១២ នេះក្នុងបណ្ដាញទូរគមនាគមន៍ SK នៅប្រទេសកូរ៉េ។
គួរបញ្ជាក់ផងដែរថា MWC នេះនឹងប្រព្រឹត្តិឡើងនៅថ្ងៃទី ២៧ ខែកុម្ភៈនេះ រហូតដល់ថ្ងៃទី១ ខែមីនា ឆ្នាំ២០១២៕
