ក្រុមហ៊ុនLenovoសង្ឃឹមថានឹងអាចលក់ទូរស័ព្ទដៃរបស់ខ្លួននៅក្រៅប្រទេសចិន
កាលពីខែមករាកន្លងទៅនេះ ក្រុមហ៊ុន Lenovo បានធ្វើសហប្រតិបត្តិការនៅ CES ក្នុងរដ្ឋ Las Vegas ហើយបានណែនាំអំពីផលិតផលថ្មីៗរបស់ខ្លួនដែលមានដូចជា IdeaPad Yoga ប្រភេទ Tablet, IdeaCentre A720 ប្រភេទកុំព្យូទ័រ All-in-one ដែលមានអេក្រង់ ២៧ អ៊ីញ និង K91 smart TV ជាទូរទស្សន៍ប្រភេទ Android ទំហំ ៥៥ អ៊ីញ។ អតិថិជនជុំវិញពិភពលោកពិតជាមានការចាប់អារម្មណ៍ចំពោះការបង្ហាញនេះយ៉ាងខ្លាំង ប៉ុន្តែមានអតិថិជនមួយចំនួនបានសួរថា តើពេលណាពួកគេនឹងអាចទិញផលិតផលទាំងអស់នេះបាននៅឯសហរដ្ឋអាមេរិច?
ថ្មីៗនេះ ប្រធាន CEO លោក Yang Yuanqingបាននិយាយក្នុងបទសម្ភាសន៍មួយថា ក្រុមហ៊ុន Lenovo មិនមានគម្រោងភ្លាមៗដើម្បីចេញលក់នូវទូរទស្សន៍ Android នៅឯសហរដ្ឋអាមេរិចទេ ប៉ុន្តែផ្ទុយទៅវិញក្រុមហ៊ុននេះសង្ឃឹមថានឹងដាក់លក់នូវទូរស័ព្ទ Android របស់ខ្លួននៅក្រៅប្រទេសចិនវិញ។
ក្នុងបទសម្ភាសន៍របស់លោកប្រធាន CEO ប្រហែលជាធ្វើឱ្យអតិថិជនមួយចំនួនខកចិត្ត ប៉ុន្តែទោះជាយ៉ាងណាក៏ដោយ ក៏ក្រុមហ៊ុន Lenovo នឹងដាក់លក់ផលិតផលថ្មីៗរបស់ខ្លួននៅឯសហរដ្ឋអាមេរិចនាពេលខាងមុខនេះដែរ៕
