Transcend បង្កើតមេម៉ូរីកាតការពារទិន្នន័យ មិនឱ្យលួចចម្លង
តើលោកអ្នកធ្លាប់បារម្ភពីការលួចចម្លងឯកសារចេញពីឧបករណ៍ផ្ទុកទិន្នន័យរបស់អ្នកដោយគ្មានការអនុញ្ញាតដែរឬទេ? ពេលនេះ Transcend បានដាក់ចេញម៉ូឌែលមេម៉ូរីកាតថ្មី មានសមត្ថភាពការពារឯកសារ ដែលស្ថិតនៅក្នុងមេម៉ូរីកាតនោះ មិនឱ្យលួចចម្លង ឬកែប្រែ និងលុបបានឡើយ បើគ្មានការអនុញ្ញាត។
Copy Protection SD/microSD card ជាឈ្មោះរបស់ម៉ូឌែលមេម៉ូរីកាតថ្មីនេះ ដែលត្រូវបានគេបង្កើតឡើងដោយផ្ដល់ការរក្សាទុកទិន្នន័យមានលក្ខណដូច CD-ROM ដោយធានាសុវត្ថិភាពការពារឯកសារមេឌៀ ឬឯកសារផ្សេងៗទៅកាន់ទីតាំង Read-Only Partition ដែលមានលក្ខណៈដូចឌិសស៊ីឌីដែរ។ ម្យ៉ាងវិញទៀត វាថែមទាំងធានាថា មិនអាចលួចចម្លង ឬលុប ឬដកចេញដោយកម្មវិធី Cracking ហើយថែមទាំងមិនអាច Reformat ទៀតផង។ លើសពីនេះ ការរារាំងមិនឱ្យចម្លងទិន្នន័យថ្មីចូល បានផ្ដល់នូវកម្រិតសុវត្ថិភាពបន្ថែមទៀតប្រឆាំងនឹងមេរោគ ដែលពួកវាអាចបំផ្លាញឯកសារ និងឆ្លងទៅកាន់កុំព្យូទ័រផ្សេងៗ។ មេម៉ូរីកាតម៉ាក Copy Protection SD card អាចជ្រើសរើសបានក្នុងទំហំចាប់ពី 2 GB ដល់ 64GB ចំណែកឯ Copy Protection microSD card អាចជ្រើសរើសចាប់ពីទំហំ 2GB ដល់16 GB។
- ប្រើ Partition មានលក្ខណៈដូចឌីស CD ដែលធានាមិនឱ្យមានការលូចចម្លង
កែ ឬ លុប និងការពារមេរោគ
- មេម៉ូរីកាតនេះ បានដាក់បញ្ចូលកម្មវិធីទៅក្នុងកុំព្យូទ័រជាមុន ដែលធ្វើឱ្យវាពិបាក
លុបចេញដោយប្រើកម្មវិធី Cracking ឬ Format ឡើងវិញ
- អាចប្រើជាមួយប្រព័ន្ធប្រតិបត្តិការ និងឧបករណ៍ជាច្រើនផ្សេងៗ
- កាតថ្មីនេះចែកជាទីតាំង ដែលការពារ និងទីតាំងមិនការពារ ដែលអាចឱ្យអ្នក
ប្រើប្រាស់រក្សាទុក ឬកែឯកសារនៅក្នុងទីតាំងដែលមិនការពារដូចនៅក្នុងមេម៉ូរី
កាតធម្មតា។
