Chrome សម្រាប់ Android ម៉េចក៏មិនអាចប្រើ Flash បានអញ្ចឹង?
កម្មវិធី Chrome សម្រាប់ Android គឺមិនអាចដំណើរការ Flash Player បានទេ ដោយសារតែកម្មវិធីមួយនេះត្រូវបានក្រុមហ៊ុន Apple បានដាក់បម្រាមលើកម្មវិធីនេះជាខ្លាំង។
ក្នុងនាមជាអ្នកគ្រប់គ្រងផ្នែកផលិតផលនៃ Flash Team លោក Bill Howard បានប្រាប់ថា Adobe នឹងមិនបន្តអភិវឌ្ឍន៍កម្មវិធី Flash សម្រាប់ Browser របស់ទូរស័ព្ទទៀតហើយ ដូច្នេះ Chrome Beta សម្រាប់ Android គឺមិនអាចប្រើ Flash បានទេ។
ក្រុមហ៊ុន Adobe បានធ្វើការបញ្ជាក់ថា ពួកគេបញ្ឈប់ការងារលើការបង្កើតកម្មវិធី Flash Player សម្រាប់ Browser របស់ទូរស័ព្ទហើយ។ ប៉ុន្តែគេអាចប្រើ HTML5 បាន ដោយសារវាមាន Function ជាច្រើនដែលអាចជំនួសឱ្យ Flash Player។
លោក Danny Winokur នាយកចាត់ការទូទៅនៃក្រុមហ៊ុន Adobe បានបញ្ជាក់ថា យើងនៅតែជួយ ជាមួយនឹងបទពិសោធន៍នៅលើ Flash Player ដើម្បីឱ្យ W3C និង Webkit អាចបញ្ចូលនូវសមត្ថភាពស្រដៀងនឹងការប្រើ Flash ចូលទៅក្នុង HTML5 ឱ្យបានឆាប់រហ័ស។
យើងសង្ឃឹមថាលក្ខណពិសេសដែលនឹងត្រូវបញ្ចូលទៅក្នុង HTML5 សម្រាប់ជំនួស Flash Player នឹងល្អប្រសើរជាការប្រើប្រាស់ Flash ព្រោះថា Flash គឺមានលក្ខណយឺតជាខ្លាំង៕
