Nokia Lumia 800 នឹងដាក់លក់នៅថ្ងៃ 14កុម្ភៈ ក្នុងតម្លៃជាកញ្ចប់ត្រឹមតែ 900$
ក្រុមហ៊ុនMicrosoft នឹងចាប់ផ្តើមនូវគំរោងសេវាកម្មកញ្ចប់ដ៏ពិសេសមួយដែលរាប់បញ្ចូលទាំង Nokia Lumia 800 និងឧបករណ៍ផ្សេងៗទៀតជាមួយនឹងតម្លៃ 899 ដុល្លារ (យោងទៅតាមគេហទំព័រ Bgr)។
បុគ្គលិកម្នាក់មិនបញ្ចេញឈ្មោះបានឱ្យដឹងថា ៖ គំរោងនេះនឹងដាក់ឱ្យដំណើរការ នៅថ្ងៃទី១៤ខែកុម្ភៈខាងមុខនេះ ក្នុងនោះការទិញទូរស័ព្ទដៃ Nokia Lumia 800 យើងនឹងទទួលបានឩបករណ៍បន្ថែមដូចជា Bluetooth headset, Purity HD stereo headset និងPlay 360 wireless speakerរបស់ Nokia ផងដែរ។
ក្រុមហ៊ុនMicrosoft បានផ្តល់ដំណឹងឱ្យដឹងថា៖ ខ្លួននឹងមិនដាក់ទូរស័ព្ទ Nokia Lumia 800 លក់តែឯងនោះទេ។ 899 ដុល្លារ ជាចំនួនតិចសម្រាប់ពួកយើង ដូចនេះគេសង្ឃឹមទុកថាអតិថិជននឹងទិញនូវផលិតផល និងសេវាកម្មកញ្ចប់នេះជាក់ជាមិនខាន។ បន្ទាប់ពីនេះមក AT&T នឹងចាប់ផ្តើមនៅការដាក់លក់ Lumia 900 ជាមួយនឹងការទ្រទ្រង់នូវ LTE បាន 4G ដែលមានអេក្រង់ធំជាងមុនទៅទៀតនៅខែក្រោយ៕
