Nokia នាំមុខគេក្នុងការប្រើប្រាស់អ៊ីនធឺណិតតាមទូរស័ព្ទ
តាមរយៈរបាយការណ៍វិភាគរបស់ StatCounter បានបង្ហាញថា ការប្រើប្រាស់អ៊ីនធឺណិតនៅលើទូរស័ព្ទដៃគឺមានការកើនឡើងបន្តិចម្ដងៗ ដោយចំនួនអ្នកប្រើប្រាស់អ៊ីនធឺណិតតាមទូរស័ព្ទរបស់ពួកគេមានការកើនឡើងស្ទើរតែទ្វេដង បើប្រៀបធៀបពីឆ្នាំ២០០៩មក។
ការប្រើប្រាស់អ៊ីនធឺណិតតាមទូរស័ព្ទបានកើនឡើង ៨.៥% នៅក្នុងខែមករា ឆ្នាំ២០១២នេះ ដោយទិន្នន័យចាស់កាលពីឆ្នាំមុន មានត្រឹមតែ ៤.៣%។ លោក Aodhan Cullen អគ្គនាយករបស់ StatCounter បានបន្ថែមថា ទោះបីជាកំណើននៃការប្រើប្រាស់អ៊ីនធឺណិតតាមទូរស័ព្ទនៅលើពិភពលោក នៅក្រោម ១០%ក៏ដោយ តែជំហាននៃកំណើននេះគឺគួរឱ្យកត់សំគាល់ជាខ្លាំង។
ជាមួយនឹងកំណើននេះ Apple បាននាំមុខគេនៅសហរដ្ឋអាមេរិក និងអង់គ្លេស តែនៅក្នុងពិភពលោកវិញ Nokia គឺបាននាំមុខគេលើក្រុមហ៊ុនទាំងអស់។ ក្នុងនាមជាក្រុមហ៊ុននាំមុខគេក្រុមហ៊ុន Nokia មានការប្រើប្រាស់ ៤០% ហើយ Apple វិញមានការប្រើប្រាស់ ៣៧.៦២% ឯក្រុមហ៊ុនបន្ទាប់គឺ Samsung មានការប្រើប្រាស់ ១១.៤៣% និង RIM ១០.០៦%។
