ក្រុមហ៊ុន Nokia នឹង បង្ហាញទូរស័ព្ទ smartphone របស់ខ្លួនក្នុង សមាជទូរស័ព្ទពិភពលោក
ក្រុមហ៊ុន Nokia បានប្រកាសថានឹងដាក់បង្ហាញទូរស័ព្ទ smartphone របស់ខ្លួនក្នុងកំឡុងពេលនៃអង្គសមាជទូរស័ព្ទពិភពលោក ដែលប្រព្រឹត្តិឡើងនៅទីក្រុង Barcelona នាចុងខែនេះ។ កាលពីកម្មវិធី ពិព័រណ៍ CES ក្នុងខែមករាមុននេះ ក្រុមហ៊ុន Nokia បានដាក់បង្ហាញទូរស័ព្ទ Lumia 900 រួចទៅហើយ ប៉ុន្តែអតិថិជននៅតែរង់ចាំដំណឹងពី Nokia ដែលនឹងធ្វើការបញ្ចេញទូរស័ព្ទស៊េរីថ្មី Lumia 800 នៅអឺរ៉ុបបន្តទៀត។
យើងនៅតែលេចឮនូវពាក្យចចាមអារ៉ាមថាក្រុមហ៊ុន Nokia នឹងមានគម្រោងប្រកាសចេញនូវទូរស័ព្ទ Lumia 910 ទៀតដែលអាចដំណើរការទំនាក់ទំនងជាមួយនឹង HSPA ព្រមទាំងកាមេរ៉ាទំហំ ១២មេហ្កាភិចសែល ប៉ុន្តែ Nokia បានបដិសេធនូវពាក្យចចាមអារ៉ាមដែលថាមានការបង្កើននូវទំហំ កាមេរ៉ានោះទៅហើយ៕
