Avid Studio កម្មវិធីថ្មីរបស់ Apple ទើបតែបង្ហាញខ្លួន
ក្រុមហ៊ុន Apple បានបង្កើតកម្មវិធីរៀបចំវីដេអូ Avid អស់រយៈពេលជាយូរមកហើយ នៅពេលនេះ Avid Studio កម្មវិធីកែតម្រូវវីដេអូសម្រាប់ទូរស័ព្ទថ្មីមួយ ដែលដំណើរការលើ iPad។ កម្មវិធី Avid Studio នេះទើបតែបានដាក់បញ្ចូលទៅក្នុង App Store របស់ Apple ដែលមានតម្លៃ ៤.៩៩ដុល្លារអាមេរិក ហើយគេនឹងបង្កើនតម្លៃ ៨ដុល្លារបន្ថែមទៀតបន្ទាប់ពីដាក់លក់បានរយៈពេល ៣០ថ្ងៃ។ Avid Studio នេះគឺជាកម្មវិធីកែតម្រូវវីដេអូដំបូងរបស់ក្រុមហ៊ុន ដែលបង្កើតឡើងសម្រាប់ផលិតផលមួយណាក៏បានក្នុងចំណោមផលិតផលរបស់ Apple។ ប៉ុន្តែវាហាក់ដូចជាផ្ដល់នូវលក្ខណពិសេសសម្រាប់ស៊េរី Desktop ច្រើនជាងគេ។
សម្រាប់កម្មវិធី Avid ដែលបានបង្កើតមុននោះ គឺសម្រាប់តែដំណើរការលើ Windows តែប៉ុណ្ណោះ។ កម្មវិធី Avid Studio នេះទើបតែដាក់បង្ហាញរយៈពេលពីរថ្ងៃទេ បន្ទាប់ពី Apple បានបង្ហាញនូវកំណែទម្រង់ថ្មីនៃ Final Cut Pro X សម្រាប់ OS X៕
