ការលក់ទូរស័ព្ទ iPhone កើនឡើងដល់ទៅ 80% នៅត្រីមាសទី៤នេះ
AT&T បានលក់ទូរស័ព្ទsmartphones បានចំនួន ៩.៤លានគ្រឿងនៅក្នុងត្រីមាសទី៤ នៃឆ្នាំ២០១១ តែនៅក្នុងនោះ ទូរស័ព្ទ iPhone មានចំនួនដល់ទៅ៧.៦លានគ្រឿង។ តាមរយៈតួលេខទាំងនេះ ទូរស័ព្ទ iPhone បានកើនឡើងរហូតដល់ ៨០%សម្រាប់ការលក់ទូរស័ព្ទរបស់ AT&T នៅក្នុងត្រីមាសទី៤នេះ។
ចំនួនដ៏ច្រើននេះបានធ្វើឱ្យ AT&T ក្លាយជាអ្នកលក់ ទូរស័ព្ទ iPhone ដែលធំជាងគេ ហើយចំណែកឯ Verizon វិញលក់ទូរស័ព្ទ iPhone បានចំនួន ៤.២លានគ្រឿង ហើយបើសរុបទៅទូរស័ព្ទ iPhone លក់បាន ២០% ដែលមានទូរស័ព្ទទាំងអស់ចំនួន ៣៧លានគ្រឿង នៅទូទាំងពិភពលោក ក្នុងត្រីមាសចុងក្រោយនៃឆ្នាំ២០១១។
ការលក់ទូរស័ព្ទ smartphones នូវចំនួនដ៏ច្រើននេះ បានធ្វើឱ្យទីផ្សារ នៃទូរស័ព្ទផ្សេងៗនៅលើពិភពលោកមានការថយចុះវិញក្នុងពេលតែ៦ខែ បន្ទាប់ពីវាបានកើនក្នុងរយៈពេល២ឆ្នាំជាប់គ្នា។គួរបញ្ជាក់ដែរថា iPhone ទទួលបានជោគជ័យដ៏ធំនេះ គឺដោយបានដាក់លក់នូវទូរស័ព្ទ iPhone 4S ហើយវាក៏បានជួយឱ្យ iOS ទទួលបានការពេញនិយមផងដែរ។
