Cisco ពង្រឹងគុណភាពកម្មវិធីសិក្សាបន្ថែមនៅកម្ពុជាឆ្នាំ២០១២
កាលពីព្រឹកថ្ងៃទី១២ខែមករាឆ្នាំ២០១២កន្លងទៅថ្មីៗនេះ Cisco បានរៀបចំសិក្ខាសាលាក្រោមប្រធានបទជាភាសាអង់គ្លេសថា ” Cisco Networking Academy 2012 “ នៅសណ្ឋាគារណាហ្គាវើល “Naga World Hotel”។ ការរៀបចំសិក្ខាសាលានេះឡើង គឺក្នុងគោលបំណងដើម្បីពង្រឹងគុណភាពនៃការអប់រំបន្ថែមដល់សាស្ត្រាចារ្យ ក៏ដូចជាលោកគ្រូអ្នកគ្រូទាំងអស់ដើម្បីយកចំណេះដឹង និងគុណភាពជូនដល់សិស្សនិស្សិតក៏ដូចជាបុគ្គលិកក្រុមហ៊ុន ព្រមទាំងស្ថាប័នរដ្ឋនិងឯកជនទាំងអស់ឱ្យមានជំនាញ និងចំណេះដឹងពិតប្រាកដក្រោយពីបានបញ្ចប់ការសិក្សានូវវគ្គ Ciscoនីមួយៗដែលគេកំពុងតែប្រើប្រាស់ទូទាំងពិភពលោក។បច្ចុប្បន្ននេះនៅប្រទេសកម្ពុជាកម្មវិធីសិក្សាCiscoឬហៅថា Cisco Networking Academy ត្រូវបានសហការជាមួយសាកលវិទ្យាល័យធំៗនិងវិទ្យាស្ថានមួយចំនួនមានដូចជា៖សាកលវិទ្យាល័យជាតិគ្រប់គ្រង (NUM),បញ្ញាសាស្ត្រ (PUC),អាស៊ីអឺរ៉ុប (AEU),TECHNO,UP,UME,វិទ្យាស្ថាន Sunrise,Saint Paul ,ស្ថាប័នរដ្ឋNIDA,PNCនិងអង្គការក្រៅរដ្ឋាភិបាលYejj, DONBOSCO និងស្ថាប័នផ្សេងៗជាច្រើនទៀត។
លោក Jonh Lim ជាអ្នកគ្រប់គ្រងជាន់ខ្ពស់របស់ Cisco បានមានប្រសាសន៍ថា” ការសិក្សាអំពីរចនាសម្ពន្ធសុវត្ថិភាពរបស់ Cisco Networking Academy គឺមានសារសំខាន់ណាស់ក្នុងការគ្រប់គ្រងបណ្ដាញ Network ប្រកបដោយសុវត្ថិភាពខ្ពស់“។
ចំណែកលោក សំ សុផានី ជាអ្នករៀបចំកម្មវិធីសិក្ខាសាលាបានផ្ដល់បទសម្ភាសន៍ថា”ការរៀបចំកម្មវិធីនៅថ្ងៃនេះគឺផ្ដោតសំខាន់ទៅលើការផ្ដល់ការអប់រំដល់សិក្ខាកាមក៏ដូចជាដៃគូររបស់ខ្លួនបន្ថែមនៅទូទាំងខេត្តក្រុងនៃប្រទេសកម្ពុជាមានដូចជាខេត្តបាត់ដំបងខេត្តតាកែវនិងក្រុងភ្នំពេញ។ក្រៅពីដៃគូរដែលបានសហការរួច Cisco នៅតែបន្តស្វែងរកដៃគូសហការផ្សេងៗទៀតដើម្បីពង្រឹងវិស័យនេះនៅកម្ពុជាប៉ុន្តែដៃគូដែល Cisco នឹងសហការជាមួយលុះត្រាតែមានលក្ខណៈគ្រប់គ្រាន់ស្របតាមស្តង់ដារនៃការអប់រំរបស់ Cisco ទើបអាចឱ្យបើកដំណើរការ។
សូមបញ្ជាក់ថាកម្មវិធីសិក្សារបស់ Cisco បានចូលមកប្រទេសកម្ពុជាយើងអស់រយៈពេលជាង១០ឆ្នាំហើយមកដល់ថ្ងៃនេះហើយក៏មានសិស្សជាង៣៦០០នាក់ហើយបានមកសិក្សានូវវគ្គរបស់ Ciscoក្នុងនោះមានដៃគូចំនួន២០រួចរាល់ដែរប៉ុន្តែចំនួននេះនៅតែទាន់ឆ្លើយតបទៅនឹងតម្រូវការបានគ្រប់គ្រាន់នៅឡើយទេសម្រាប់តម្រូវការទីផ្សារនៅកម្ពុជា៕
