បង្កើត Form ឱ្យ​វ៉ិបសាយ TYPO3 ជាមួយ Powermail Extension

Published On: Tue, Jan 17th, 2012

បង្កើត Form ឱ្យវ៉ិបសាយ TYPO3 ជាមួយ Powermail Extension

Powermail គឺជា extension របស់ប្រព័ន្ធគ្រប់គ្រងមាតិកាវ៉ិបសាយ TYPO3 ដែលគេនិយមប្រើប្រាស់សម្រាប់បង្កើត mailform ដែលអនុញ្ញាតអោយអ្នកប្រើប្រាស់អាចផ្ញើឯកសារ ព័ត៌មាន និងធ្វើការទំនាក់ទំនង តាមរយៈវ៉ិបសាយមកកាន់ម្ចាស់វ៉ិបសាយបានយ៉ាងងាយស្រួល។ អ្នកអាចបង្កើត fields របស់ Form ដើម្បីផ្ញើសារ (mail) បានយ៉ាងងាយស្រួលដោយមិនចាំបាច់មានចំណេះដឹងផ្នែក HTML។

មិនត្រឹមតែប៉ុណ្ណឹង Powermail បានផ្ដល់គុណប្រយោជន៍ជាច្រើនដូចជា៖

អាចរក្សាទិន្នន័យដោយស្វ័យប្រវត្តិ ទៅក្នុង Database
អាចទាញទិន្នន័យទាំងនោះចេញជាប្រភេទឯកសារ Excel និង CSV នៅផ្នែក Backend
អាចផ្ញើសារ (mails) មួយឬក៏ច្រើន ទៅកាន់ក្រុមអ្នកប្រើប្រាស់ FE-Users និង BE-Users
ផ្តល់ជូន Javascript សម្រាប់ត្រួតពិនិត្យតម្លៃ (Javascript field validation) របស់ field នីមួយៗ បានយ៉ាងងាយ ហើយអ្នកក៏អាចបង្កើត ការត្រួតពិនិត្យ fields ទាំងនោះបានផងដែរ ជាមួយ PHP កូដ។
ទប់ស្កាត់ និងប្រឆាំង spam email ដោយ Powermail អនុញ្ញាតអោយប្រើ captcha extensionដូចជា sr_freecap ឬ wt_spamshield ជាដើម

នៅក្នុងជំពូកនេះមិត្តអ្នកអាននឹងបានស្វែងយល់អំពីការដំឡើងPowermail នៅក្នុង TYPO3

១. ដំឡើង Powermail នៅក្នុង TYPO3

សូមចូលទៅ Backend របស់ TYPO3 បន្ទាប់មកសូមធ្វើតាមការណែនាំដូចខាងក្រោម៖

ក. ចុចលើ Extension Manager

ខ. ជ្រើសរើស Import extensions ក្នុងប្រអប់លេខ 2

គ. នៅក្នុងប្រអប់លេខ 3 Look up extensions: សូមវាយពាក្យ powermail បន្ទាប់មកចុចលើប៊ូតុង Look up

ឃ. ពេលនេះអ្នកនឹងឃើញ តារាងដែលបង្ហាញពី Extensions របស់ TYPO3 ជាច្រើនដែលមាន ពាក្យទាក់ទងទៅនឹង Powermail។ ប្រហែលជាអ្នកគិតថា ពិបាកនឹងជ្រើសរើស មួយណាដែលជា Powermail Extension ពិតប្រាកដហើយមើលទៅ តែកុំបារម្ភ រាល់ extension របស់ TYPO3 នីមួយៗសុទ្ធតែមាន Extension Key ផ្ទាល់ខ្លួន ដែលមិនអាចក្លែងបន្លំបាន ចំណែក Extension Key របស់ Powermail គឺ ពាក្យ powermail (ប្រអប់លេខ 4)។ បើមើលលទ្ធផលនៃការស្វែងរករបស់អ្នកអម្បាញ់មិញ ត្រង់កូឡោន (column) Extension key: របស់តារាងលទ្ធផល អ្នកនឹងឃើញពាក្យ powermail នោះហើយជា Extension ដែលអ្នកចង់បាន។

ផ្ទាំង លទ្ធផល នៃ ការ ស្វែង រក Powermail Extension

ង. សូមចុចលើប៊ូតុងខាងមុខ Powermail (រូបខាងក្រោម) ដើម្បីទាញ Extension នេះចូលទៅក្នុង Extension Manager របស់ TYPO3។

ប៊ូតុង ទាញ Extension

បន្ទាប់មកអ្នកឃើញ សារបញ្ជាក់ប្រាប់ថាអ្នកបានទាញ extension ចូលរួចហើយ។ ពេលនេះ សូមចុចលើប៊ូតុង Install Extension ដើម្បីធ្វើការដំឡើង។

ក្រោយពីចុចលើ ប៊ូតុង Install រួចហើយអ្នកចាំបាច់ត្រូវធ្វើទំនើបកម្ម (Make update) ដើម្បីបង្កើត Tables ឬក៏ fields ថ្មីទៅក្នុង Database។ សូមទាញ scroll ចុះក្រោម ក្នុងទំព័រទើបនឹងបើកថ្មី អ្នកនឹងឃើញប៊ូតុង Make update សូមចុចលើប៊ូតុងនេះ (រូបខាងក្រោម) ដើម្បីធ្វើការដំឡើង Powermail នៅដំណាក់ចុងក្រោយ។